#Serxio Martines — yangiliklari

Fabrisio Romano xabariga ko'ra: "Ayrim klublar Serxio Martinesga o'tish amalga oshgan taqdirda darhol asosiy tarkib o'yinchisiga aylanish imkoniyatini taklif qilishgandi.

Shunga qaramay, 19 yoshli yarim himoyachi "Madrid"ga o'tishga qaror qildi. Ispaniyalik futbolchini "qaymoqranglilar" safida to'p surish imkoniyati o'ziga tortdi. Martinesning oila a'zolari esa umuman "Madrid"ning ashaddiy muxlislari hisoblanadi.

Mourinyu ham Martines transferini rasmiylashtirish ishlarida ishtirok etdi. Xususan, murabbiy u bilan telefon orqali suhbatlashdi. Shu sababli futbolchida asosiy jamoa bilan birga mashg'ulot o'tkazish va o'z iqtidorini namoyish etish imkoniyati bo'ladi.

📰 AS xabariga ko'ra, "Real Madrid" La Ligaga qaytgan "Rasing" klubining 19 yoshli yarim himoyachisi Serxio Martinesni kuzatishda davom etmoqda. Futbolchi shartnomasida 3 million yevro miqdoridagi tovon puli ko'rsatilgan.

🖥 The Athletic (Kortegana) ma'lumotiga ko'ra, "Madrid" Martinesga qiziqish bildirmoqda, ammo klub 3 million yevro tovon pulini to'lashga unchalik rozi emas. "Qirollik klubi" uni tarkibga qo'shib olishning boshqa yo'llarini o'rganmoqda. Agar transfer amalga oshsa, ispaniyalik futbolchi "Kastilya" safida to'p surishi rejalashtirilgan.

AS xabariga ko'ra, «Real Madrid» tez orada Serxio Martines transferini yakunlaydi. «Barselona», «Vilyarreal» va «Atletiko» ham 19 yoshli yarim himoyachiga qiziqish bildirgan edi, ammo futbolchi «qaymoqranglilar» safiga o'tishga qaror qildi.

Martines asosan «Kastilya» tarkibida harakat qilsa-da, u joriy mavsumda «Madrid»ning asosiy jamoasi bilan ham mashg'ulotlarda qatnashish imkoniyatiga ega bo'ladi.

Futbolchi «Xetafe»ga qarshi o'yindan (23.08) so'ng «Rasing» bilan xayrlashishi kutilmoqda.