#A. Romero — yangiliklari

📰 A. Romero (El Mundo jurnalisti): "Madrid" vakillari doimiy ravishda Xolandning agentlari bilan aloqada.

So'nggi bir hafta ichida "qaymoqranglilar" forvardning atrofdagilari bilan bog'lanib, "Manchester Siti"ning moliyaviy feyr-pley qoidalarini buzganlikda aybdor deb topilishi 26 yoshli norvegiyalik futbolchining kelajagiga qanday ta'sir qilishi mumkinligini bilishga harakat qilishdi. "Madrid"ga javoban: "Kutish kerak, chunki nima bo'lishini bilmaymiz", deya javob berishdi.

"Madrid"da "shaharliklar"dan ochkolar olib tashlanishi yoki Chempionshipga tushirib yuborilishi Xolandning klubdan ketishi uchun eshikni ochishi mumkinligini tushunishmoqda. Shu bilan birga, futbolchining "Manchester Siti" bilan shartnomasida tovon puli belgilanmagan".

📻 A. Lopes (Onda Cero jurnalisti): "Xausen Mourinyu qaytganidan keyin «Madrid»dagi boshqa o'yinchilarga qaraganda kuchliroq progressga erishdi"

Gerrero («Atletik» sobiq futbolchisi va Onda Cero eksperti): "Mourinyu Xausen bilan gaplashib, unga kerakli ishonchni qaytarishga yordam bergan bo'lishi kerak"

📻 A. Romero (Cadena SER jurnalisti): "Mourinyu qaytganidan keyin «Madrid»da avval bo'lmagan raqobat yana paydo bo'ldi. Masalan, o'tgan mavsumda Xausen asosiy tarkib o'yinchisi edi, chunki markaziy himoyachi pozitsiyasida boshqa variantlar yo'q edi. Endi esa, agar futbolchilardan biri konsentratsiyani yo'qotsa..."

📰 A. Romero (El Mundo jurnalisti): "Madrid" Vinisiusga yangi shartnoma bo'yicha taklifini yaxshilash niyatida emasdek taassurot qoldirmoqda.

Klub braziliyalik futbolchiga yiliga 20 million yevro "sof" maosh taklif qilmoqda, o'yinchi esa qariyb 30 million talab qilmoqda"

📻 A. Romero (Cadena SER jurnalisti):

Mbappe tizzasidagi jarohat bilan velosipedda yurgani aks etgan video? U o'zi xohlagan ishni qila olaman deb o'ylaydi. Unga hech kim tanbeh bermaydi va barcha injiqliklariga ko'z yumishadi, shu sababli Kilian o'zini yanada kuchliroq his qilmoqda.

Mbappening "Madrid"ga bo'lgan munosabati so'nggi yarim yilda sharmandalik. U hali "Oltin to'p"ni talab qilayotganidan hayratdaman.

"Bernabeu"dagi muxlislar Mbappega nisbatan tobora norozi bo'lib bormoqda. Agar u "Vilyarreal"ga qarshi o'yinda (10.10, 22:00 msk) o'zini yomon ko'rsatsa, uni yana hushtakbozlik bilan kutib olishadi.

📻 Erraes (Cadena SER jurnalisti):

Mbappe faqat o'zi haqida o'ylaydi. U "Madrid" muxlislariga nisbatan zarracha hamdardlikka ega emas.

📰 A. Romero (El Mundo jurnalisti): "Madrid"da Mbappedan ancha ko'proq narsa talab qilishlari kerak. "Atletiko"ga qarshi derbi kabi o'yinlarda, jamoa bosim ostida qolganida, u o'z zimmasiga ko'proq mas'uliyat olishi va tez-tez asosiy harakatlantiruvchi kuchga aylanishi kerak.

Biroq aynan Diomande — garchi beqaror bo'lsa-da, ammo shijoatli va g'ayratli — Madrid derbisining yakuniy qismida "Madrid" hujumining asosiy dvigateliga aylandi.

📰 A. Romero (El Mundo jurnalisti):

"Madrid"ning Chempionlar ligasi umumiy bosqichidagi raqiblari ro'yxati jamoa uchun nisbatan qulay. O'tgan mavsumdan farqli o'laroq, bu safar "Madrid" uchun ekzotik safarlar yo'q.

📻 B. Alemani (Cadena SER jurnalisti):

"Madrid"ni "Arsenal"ga qarshi juda qiyin safar o'yini kutib turibdi. Shunga qaramay, "Madrid" umumiy bosqichdagi aksariyat o'yinlarida favorit hisoblanadi.