#Karlos Espi — yangiliklari

⚽️ MARCA: Braziliyalik futbolchi yetarlicha o'yin amaliyotiga ega bo'lmayapti, Karlos Espi esa jamoada o'z o'rnini mustahkamlashda davom etmoqda.

«Roma» futbolchining faoliyatini davom ettirishi mumkin bo'lgan variantlardan biri hisoblanadi.

🔥 Karlos Espi:

Trenirovka qilish bunday yigitlar bilan, masalan, Kilian, Jud bilan — aqlbovar qilmas darajada.

Ularning qanchalik raqobatbardosh va talabchan ekanligini ko'rish hayratlanarli.

Men ko'p narsani o'rganyapman va rivojlanyapman. Har safar maydonga tushganimda, bor kuchimni berishni va jamoaga yordam berishni istayman.

Joze Mourinyuning o'yindan keyingi matbuot anjumani:

O'yin va mag'lubiyat haqida:

O'ylaymanki, jamoa juda yaxshi o'yin o'tkazdi. Biz to'liq ustunlik qildik, himoyada ishonchli harakat qildik, o'yinni nazorat qildik, yaxshi hujum qildik va ko'plab aniq golli vaziyatlar yaratdik.

Hatto durang ham qoniqarsizlik hissini qoldirgan bo'lardi, chunki biz ko'proq narsaga loyiq edik. Mag'lubiyatni qabul qilish esa yanada og'irroq.

Bahsli vaziyatlar — Kilian Mbappe ishtirokidagi penalti va Karlos Espining bekor qilingan goli haqida:

Men bu epizodlarni batafsil ko'rmadim va kiyim almashtirish xonasida takroriy lavhalarni tomosha qilmadim, shuning uchun baho bera olmayman yoki o'z fikrimni bildira olmayman.

Karlos Espi haqida:

U oxirgi 10–15 daqiqada maydonga tushib, ofsayd tufayli bekor qilingan bo'lsa-da, ajoyib gol urgan yosh o'yinchi.

Espi biz uchun muhim futbolchi. Hozircha uning maydonga tushishi bizga ochko keltirmadi, lekin u o'zini juda yaxshi ko'rsatmoqda. Uning salohiyati ulkan.

Bundan tashqari, u kamtar, mehnatkash va o'rganishni xohlaydi, shuning uchun u yanada yaxshiroq bo'ladi. Men uning o'yinidan juda mamnunman.

Arda Gulerning almashtirilishi haqida:

Ardani almashtirish juda qiyin, chunki u haqiqatan ham yaxshi o'ynadi.

Real Betis futbolchilari bunday vaziyatlarda ayyorroq harakat qilishdi. Real Madrid futbolchilari esa to'g'riroq va halolroq: qoidabuzarlikdan so'ng ular darhol o'rnidan turib, o'ynashda davom etishadi.

O'yin boshidayoq Valverdeni yiqitgan futbolchi sariq kartochkaga loyiq edi. Ko'p o'tmay Vinisiusga nisbatan qo'pol o'yin bo'ldi, u ham ogohlantirish bilan yakunlanishi kerak edi.

Arda qanday qilib atigi bitta kichik qoidabuzarlik bilan birinchi taymni sariq kartochka bilan yakunlaganini tushunmayapman.

Ikkinchi taymda u charchadi va men uni almashtirishga majbur bo'ldim, chunki ogohlantirish bilan uning holati xavfli bo'lib qolgandi. Lekin ha, Ardani almashtirish juda qiyin edi.

Karlos Espi golidan keyingi his-tuyg'ulari haqida gapirdi:

Bu ham men, ham boshqa barcha o'yinchilar uchun ajoyib tuyg'u edi: men gol urganimda, ularning barchasi burchak bayroqchasi oldida to'planib, bu voqeani nishonlashdi. Ularning barchasini yonimda ko'rish va ular bilan birga xursand bo'lish juda yoqimli edi.

💭 Karlos Espi:

Salom, madridistlar!

Men bu yerda ekanligimdan, "Real" futbolchisi sifatida tanishtirilganimdan, debyut qilganimdan, gol urganimdan va albatta, jamoaga g'alaba keltirganimdan juda xursandman.

Sizlarni chorshanba kuni "Sosedad"ga qarshi o'yinda ko'rishni kutib qolaman.

Barchangizni quchoqlab qolaman. Hala Madrid!

Karlos Espining so'nggi uch haftasi:

• Premer-ligaga o'tishga yaqin turgandi.
• So'nggi pallada «Real Madrid»dan taklif oldi.
• 24 soat ichida «Real Madrid» bilan shartnoma imzoladi.
• Mavsumoldi o'yinlarida ikkita gol urdi.
• «Real Madrid» safida rasmiy o'yinda debyut qildi va so'nggi daqiqada g'alaba golini kiritdi.

Haqiqiy ertak 💫

🎙 Karlos Espi:

Bu juda ajoyib — Kilian va boshqa barcha futbolchilar bilan birga o'ynash. Bu yerda bo'lish — ulkan imtiyoz.

📊 Karlos Espi 2013-yildagi Iskodan keyin «Real Madrid» safidagi ilk rasmiy o'yinida gol urgan birinchi ispaniyalik futbolchiga aylandi.

💦 Arancha Rodriges xabariga ko'ra, Karlos Espi Joze Mourinyoda katta taassurot qoldirdi va murabbiy aynan shu futbolchini o'z jamoasida ko'rishni istagan.

Espi bugun «Real» safida Joze Mourinyo qo'l ostidagi mashg'ulotlarga kirishadi.

🗣️ Karlos Espi derbidagi mag'lubiyat haqida:

Albatta, bu og'ir, ammo oldinda hali ko'plab o'yinlar bor.

Biz birga bo'lishimiz, qo'l qovushtirib o'tirmasligimiz kerak — o'ylayman-ki, biz uddalaymiz.

Bu tanaffus bizga foyda beradi: biz kuch to'plab olamiz va oldinga qarab harakat qilamiz.

💭 Karlos Espi:

Joze menga Kilian bilan birga harakat qilishni va hujumda bir-birimizni to'ldirishimizni aytdi.

U meni jarima maydonchasi ichida ko'rishni istaydi, chunki to'p har qanday vaqtda menga kelib tushishi mumkin.

"Qirollik klubi" forvardining klub matbuot xizmatiga bergan intervyusi

"Real Madrid"ga o'tish — g'urur uchun katta sabab. O'z oilam va o'zim uchun juda baxtliman. "Madrid" uchun bor kuchimni beraman. Klub muzeyida Chempionlar ligasining 15 ta sovrinini ko'rish — hayratlanarli tuyg'u!

"Madrid"da har bir detallga e'tibor qaratishadi va bu aqlbovar qilmas holat! "Madrid" — dunyoning eng yaxshi futbol klubi. Infratuzilma obyektlari, "Santyago Bernabeu"... "Madrid"ga o'tganimdan so'ng "Bernabeu"ga borganimda hayratlanarli hislarni tuygandim. Aytishim mumkinki, o'sha kuni deyarli hamma narsa ajoyib edi.

O'ylashimcha, o'sha tun deyarli uxlamadim, chunki taqdimotim oldidan ertalab juda hayajonlangan holda uyg'ondim. Barchaning men uchun xursand bo'layotganini va bu lahzani men bilan birga nishonlayotganini ko'rish juda yoqimli edi.

"Madrid" mening transferimni 4 kunda hal qildi. Bizga muzokaralarni sir tutishni aytishgandi. Buvim va do'stlarim "Madrid"ga o'tayotganimdan bexabar edilar. Hech kim hech narsa bilmasdi, chunki men hech narsa deya olmasdim.

Hatto Madridga yetib kelganimda ham hech kim hech narsa bilmasdi. Ispaniya poytaxtiga payshanba kuni keldim. Tasavvur qiling, kelishuv haqidagi xabarlar OAVda chiqa boshlagach, do'stlarim va oilam mendan qayerga ketayotganimni so'rashni boshlashdi.

"Espanyol"ga qarshi o'yindagi golimni butun jamoa bilan nishonlashimiz? Bu ham men, ham boshqa futbolchilar uchun juda chiroyli lahza bo'ldi. Barchamiz burchak bayrog'i yonida golni nishonladik. Barchaning yonimda ekanligini va men uchun xursandligini ko'rish — ulkan quvonch!

So'nggi kunlar men uchun aqlbovar qilmas darajada o'tdi. Ammo "Bernabeu"da bo'lgan bo'lsam-da, bu stadionni yana yaqindan ko'rishni istayman. "Bernabeu" maysasini oyoqlarim bilan his qilish uchun katta xohish tuyyapman.

"Madrid" muxlislariga yo'llamoqchi bo'lgan xabarim? Bu yerda ekanligimdan juda baxtliman, shuningdek, debyutim va g'alaba keltirgan birinchi golimdan xursandman. Barchangizni "Bernabeu"da "Sosyedad"ga qarshi o'yinda ko'rishga umid qilaman.

Xoselu bilan solishtirishlarmi? U ajoyib o'yinchi. Xoseluning ijtimoiy tarmoqlarga men bilan sun'iy intellekt yordamida yaratilgan qo'shma suratni joylashi, Kurtua esa meni "Xoselu-kichik" deb atashi juda qiziq.

Bugun Karlos Espi rasman «Real Madrid» futbolchisi sifatida tanishtirildi ⭐️🔥

👋 Tibo Kurtua Karlos Espi haqida shunday dedi:

U haqiqiy yirtqich. Bu chindan ham hayratlanarli va biz u uchun juda xursandmiz.

Zaxiradan maydonga tushgan futbolchi ham asosiy tarkibdagilar kabi o'yinga xuddi shunday ta'sir o'tkazishi mumkin.

🎙 Joze Mourinyu:

O'yin haqida:

O'ylaymanki, g'alabaga loyiq edik, garchi "Espanyol" mag'lubiyatga loyiq bo'lmasa-da. Ikkinchi bo'limda juda yaxshi o'yin ko'rsatdik. "Espanyol" juda tartibli o'ynadi. Ularning tarkibida jahon chempionatida qatnashgan futbolchilar yo'q edi va bu ularning jismoniy holatida yaqqol sezildi. Biz bu borada hali ko'p ishlashimiz kerak.

Zaxiradan maydonga tushganlar haqida:

Zaxiradan maydonga tushgan futbolchilar har doim jamoaga g'alaba qozonishda yordam bera oladi. Bu uch ochko biz uchun juda muhim.

Vinisius haqida:

U avliyo emas, lekin unga nisbatan qilinayotgan ishlar – bu juda oshib ketdi. Uni doimiy ravishda tepishadi va bu holat g'azabni keltirib chiqaradi. Vinisius doimo hissiy nazoratni saqlab qolishga majbur. Bu haqiqiy tazyiq.

"Real Madrid" tarkibi haqida:

Ixtiyorimizda dunyoning eng yaxshi futbolchilaridan ba'zilari bor.

Bellingem haqida:

Uning joyi – jarima maydonchasiga yaqinroq. U gol urishni biladi, agar uni oltinchi yoki sakkizinchi raqam sifatida ishlatsak, uning to'purarlik qobiliyatini yo'qotamiz. U yuqori saviyadagi futbolchi.

Karlos Espi haqida:

Biz Valdebebasda deyarli birga yashaymiz (kuladi). U juda quvnoq yigit. Biz Kukurelya bilan birga nonushta qilamiz. Bizga Karlos Espi juda yoqadi. Bu aynan bizga kerak bo'lgan futbolchi.

Espi taqdimoti haqida:

Karlos Espining taqdimoti ertaga bo'lib o'tadi.

Hakamlik haqida:

Hakam o'yinni a'lo darajada boshqardi deb hisoblayman. Buni g'alaba qozonganimiz uchun emas, balki haqiqatan ham shunday bo'lgani uchun aytyapman. U ajoyib ishladi.

Karlos Espining o'tgan mavsumdagi ajoyib tarixi: 🔥

"Levante" quyi ligaga tushib ketish arafasida edi, ammo Espi jamoaning asosiy qahramonlaridan biriga aylanib, ularni saqlab qolishga yordam berdi.

U 25 ta o'yinda 11 ta gol urdi, La Liganing eng yaxshi o'yinchisi deb topildi va 23 yoshgacha bo'lgan futbolchilar orasida eng yaxshisi uchun beriladigan sovrinni qo'lga kiritdi.

Bugun esa Espi "Real Madrid" safida g'alaba golini urdi 💪

🏁 O'yin yakunlandi! Mavsumdagi ilk uchrashuv qiyin kechgan bo'lsa-da, Karlos Espining so'nggi daqiqalardagi goli evaziga g'alabani qo'lga kiritdik.

The Athletic xabariga ko'ra, Angliya Premyer-ligasining bir nechta klublari Karlos Espiga qiziqish bildirgan edi. Biroq futbolchi "Real Madrid"dan taklif tushgach, darhol madridliklar foydasiga qaror qildi.