Fabrisio Romano Maylz Lyuis-Skellining "Arsenal"dagi kelajagi haqida gapirdi. Shuningdek, klub bosh direktori Mikel Artetaning shartnomasi haqida to'xtaldi.
Fabrisio Romano xabariga ko'ra, Maylz Lyuis-Skelli faqat "Arsenal" bilan bog'liq. Agar u sotib yuborilsa, bu faqat klubning qarori bo'ladi:
Maylz Lyuis-Skelli "Arsenal"da qolishni istaydi. U klubni juda yaxshi ko'radi, u yerda baxtli va hozirgi vaqtda uning ketishi bo'yicha hech qanday harakat yo'q. Agar "Arsenal"ning o'zi futbolchini sotishga qaror qilsa va unga ketishi mumkinligini aytsa, u holda "Manchester Yunayted" va boshqa klublar jiddiy qiziqish bildirishi mumkin. Ammo yana bir bor ta'kidlash kerak: Lyuis-Skellining o'zi "Arsenal"da qolishni juda xohlaydi va klubdagi o'z holatidan to'liq mamnun.
"Arsenal" bosh direktori Richard Garlik esa Skelli haqida biroz noaniq fikr bildirdi. Garlik "Arsenal" Itan Nvaneri va Maylz Lyuis-Skellining sotuvini ko'rib chiqishi MUMKINligini, biroq klub ular bilan xayrlashish imkoniyatini faol qidirmayotganini ma'lum qildi. Shuningdek, bosh direktor Mikel Arteta bilan yangi shartnoma imzolash faqat vaqt masalasi ekanligini aytdi:
Menimcha, bu masala yaqin vaqt ichida hal bo'ladi.
Arsenal bosh murabbiyi Mikel Arteta jamoa oldiga qo'yilgan ulkan maqsadlar va sulola yaratish istagi haqida gapirdi.
🎙️ Mikel Arteta sulola haqida:
«Ayni damda biz SULOLA yaratmoqchimiz. Bu egalar va rahbariyatning har bir a'zosidan tortib, barcha xodimlar va o'yinchilargacha bo'lgan umumiy ambitsiya bo'lishi kerak. Keyin esa buni faktlar va amallar bilan isbotlash lozim».
«O'ylaymanki, bu bizning sohamizning bir qismi va bu normal holat. Men uchun eng muhimi – o'yinchilarimning ko'ziga qaraganimda o'sha olovni, har kuni yaxshiroq bo'lishga bo'lgan intilish va xohishni ko'rishdir. Meni faqat shu narsa qiziqtiradi. Oldimizda shunday imkoniyat ochilmoqda va biz undan foydalanish uchun nimalar talab qilinishini juda yaxshi tushunamiz. Ammo men jamoa ichida ambitsiyalarni, xohishni, qobiliyat va ishonchni his qilyapman, biz buni uddalay olamiz».
Arsenal bosh direktori Richard Garlik klubdan ketayotgan o'yinchilar va jamoa tarkibini yangilash jarayoni haqida gapirdi.
"Arsenal" klubi bosh direktori Richard Garlik jamoani tark etayotgan futbolchilar haqida o'z fikrlari bilan o'rtoqlashdi:
Bu oson emas. Albatta, o'yinchilar bilan ma'lum bir munosabatlar o'rnatiladi va ularning har biri so'nggi yillarda erishgan muvaffaqiyatlarimizga o'z hissasini qo'shgan.
Ammo o'yinchilarning kelishi va ketishi futbolning odatiy qismi hisoblanadi. Har bir futbolchi bir klubda abadiy qolishni jiddiy rejalashtiradi deb o'ylamayman.
Biz ham ketishni istagan, ham ko'proq o'yin vaqti izlayotgan futbolchilarga hurmat bilan qaraymiz.
Biz tarkibni rivojlantirishda davom etamiz va o'yinchilar bilan bog'liq operatsiyalar ushbu jarayonning bir qismidir.
Richard Garlick transferlar va jamoani kuchaytirish borasidagi rejalari haqida gapirdi.
🗣️ Richard Garlick transfer bozori haqida:
Biz doimo jamoani kuchaytirishga intilamiz. Biz shunchaki o'tirib, ish yakunlandi deb aytmaymiz.
Tarkibni kuchaytirish uchun mavjud variantlarni o'rganishda davom etamiz. Transfer oynasi yopilishiga ikki hafta qoldi. Transfer oynasi yakunida Berta uchun hali qo'l o'pib qolasizlar.
«Arsenal» bosh direktori Richard Garlik jamoaning transfer strategiyasi va yosh iqtidor egasi Mayls Lyuis-Skelli haqidagi mish-mishlarga izoh berdi.
🚨 «Arsenal» bosh direktori Richard Garlik talkSPORT nashriga bergan intervyusida klubning transfer strategiyasi haqida to'xtalib o'tdi:
Hozirgi kunda aksariyat klublar futbolchilarni sotib olish va sotish orqali ishlamoqda. Ko'pchilik klublar modeli shundan iboratki, bir futbolchilar keladi, boshqalari ketadi. Bizda tarkib shundoq ham katta. Biz allaqachon ba'zi o'yinchilarning ketganini ko'rdik, masalan Nyorgo va Trossard, lekin, albatta, jamoamiz uchun nima yaxshi bo'lsa, shundan kelib chiqamiz. Biz doimo tarkibni kuchaytirish imkoniyatlarini qidiramiz. Agar buning uchun ba'zi o'yinchilar ketishi va boshqalari kelishi kerak bo'lsa, biz bu variantni ko'rib chiqamiz. O'ylaymanki, transfer faolligi va o'yinchilarning harakati hozir futbolning tabiiy qismiga aylandi.
Richard Garlik Mayls Lyuis-Skelli haqida:
Albatta, uning atrofida mish-mishlar bo'lishi mumkin. Men boshqa klublar tomonidan bo'lishi mumkin bo'lgan qiziqishlarga izoh bermoqchi emasman, lekin biz Maylsdan va uning klubdagi hozirgi holatidan juda mamnunmiz.
Martin Edegor o'tgan mavsumdagi qiyinchiliklar, jarohatlar va o'zining hozirgi jismoniy holati haqida gapirib o'tdi.
🗣️ Martin Edegor o'tgan mavsumdagi jarohatlari va o'zining hozirgi holati haqida gapirdi:
Ha, shubhasiz, bu men uchun juda katta ahamiyatga ega edi. O'tgan yil haqiqatan ham og'ir kechdi — ko'plab qiyin damlar bo'ldi. O'ylashimcha, futbolchi uchun maydonga tusha olmaslikdan yomonroq narsa yo'q.
Menda bir qancha g'alati jarohatlar bo'ldi, ustiga-ustak omad ham yetishmadi. Shu bois mavsumni yakunlaganimdek tugatish juda yoqimli bo'ldi: avvaliga chempionlik unvonini qo'lga kiritish, keyin jahon chempionatini yaxshi o'tkazish va nihoyat dam olish imkoniyatiga ega bo'lish. Hozir o'zimni yaxshi his qilyapman va yana jang qilishga tayyorman.
Martin Edegor "Arsenal"ning yangi mavsumdagi maqsadlari haqida gapirdi.
Martin Edegor o'z fikrlari bilan o'rtoqlashdi:
"O'tgan yili biz Premer-ligada g'olib chiqdik, ammo bu mavsumda yanada ko'proq narsani istaymiz. Biz ko'plab sovrinlar uchun kurash olib boramiz. Biz yana chempionlikni qo'lga kiritishni xohlaymiz, ammo boshqa turnirlar ham bor. Bizda ishlash uchun maqsadlar bor va o'sish uchun hali ham ulkan salohiyatga egamiz".
Rikkardo Kalafiori "Arsenal"dagi jamoadoshi Skellining uzatmasi haqida o'z fikrlari bilan o'rtoqlashdi.
🗣️ Kalafiori:
"Men Skellining uzatmasidan hayratda qoldim. Bunday uzatmadan keyin gol urmaslikka haqqim yo'q edi. Ajoyib uzatma — menga faqat vaziyatni yakunlab qo'yish qolgandi".
Mikel Arteta "Manchester Siti" ustidan qozonilgan g'alaba va jamoaning yangi o'yinchilari haqida fikr bildirdi.
Mikel Arteta Angliya Superkubogi doirasidagi "Manchester Siti"ga qarshi o'yin oldidan shogirdlarini ilk daqiqalardanoq hujumkor o'yin ko'rsatishga chaqirganini va jamoaning 3:0 hisobidagi g'alabasidan juda mamnun ekanligini aytdi.
Men juda xursandman. O'yinimizdan, ko'rsatgan ishtiyoqimizdan va raqobatbardoshligimizdan juda mamnunman. Biz uchun bu hozir qaysi darajada ekanligimizni tushunib olish uchun yaxshi sinov bo'ldi. Bunday raqibga qarshi aynan shunday uslubda g'alaba qozonish — bu yigitlarning xizmati. Biz ilk daqiqalardanoq hujum qilib, o'z o'yinimizni o'tkazishni istadik. Bu haqda kecha ham gaplashgandik. O'yin uchun maxsus reja tayyorlagandik va futbolchilar barchasini a'lo darajada bajarishdi. Ayniqsa, ayrim epizodlarda xatolar bo'lgani menga yoqdi, chunki ba'zi jihatlarda biz hali mukammallikdan yiroqmiz. Tarkibda yangi o'yinchilar bor, ularda hali vaqtni his qilish borasida to'liq tushuncha shakllanmagan. Ammo ortga qaytishimiz va ayrim vaziyatlardagi harakatlarimizni tomosha qilishning o'zi bir zavq edi.
Mikel ilk bor Xristos Tsolis va Bruno Gimaraeshni asosiy tarkibda maydonga tushirdi va ikkala futbolchi ham Uels poytaxtidagi hamda o'yinni uyda kuzatgan "Arsenal" muxlislarida katta taassurot qoldirdi. Gretsiyalik vinger Xavertz va Edegorga uzatgan golli paslari bilan yorqin debyut qildi. Bruno esa birinchi bo'limda agressiv va serg'ayrat o'yin ko'rsatib, markazda faol kurash olib bordi, so'ngra o'rnini Deklan Raysga bo'shatib berdi.
O'ylaymanki, ular ajoyib o'ynashdi. Xristos o'z imkoniyatlarini ko'rsata oldi. Endi u buni Premer-ligaga ko'chirishi kerak. U bunga qodir ekanligini isbotlash uchun barcha asoslarni bermoqda, chunki u juda barqaror va jarima maydonchasi ichida hamda uning atrofida xotirjam harakat qiladi. Brunoga kelsak, uning ta'sirini darrov sezasiz. Ikki-uch daqiqa o'tiboq u to'p uchun kurashga kirishadi va uning maydondagi borligining o'zi biz uchun juda muhim omil bo'lishini tushunasiz.
Edegor may oyida "Selxerst Park"da Premer-liga kubogini boshi uzra ko'targanidan beri atigi 84 kun o'tdi va endi norvegiyalik sardor "Prinsipaliti" stadionida "Manchester Siti" ustidan qozonilgan yirik g'alabadan so'ng shunga o'xshash hislarni boshdan kechirdi. Arteta g'alaba ta'mi jamoani 2026/27-yilgi mavsumda ham shunday onlarni qayta boshdan kechirishga yanada kuchliroq motivatsiya berishi kerak deb hisoblaydi. Premer-liga startiga besh kun qoldi.
Biror katta narsani yutganingizda, uning uchun uzoq vaqt kurashib, barcha his-tuyg'ularni boshdan kechirganingizdan so'ng yana g'alaba qozonsangiz, buni yana bir bor his qilishni istaysiz. Biz aynan shuni xohlaymiz. Biz har kuni bir-birimizni oldinga undashimiz kerak. Chunki standartlar shunday darajada bo'lsa, biz bir-birimizni faqat yaxshilaymiz. Bizda ajoyib tarkib bor, shuning uchun keling, yangi g'alabalar sari intilamiz. Biz Premer-liga nimaligini juda yaxshi bilamiz. Har hafta bizni katta sinov kutmoqda va juma kuni "Koventri"ga qarshi o'yin jiddiy imtihon bo'ladi. Hozir biz bugun bajargan ulkan hajmdagi ishdan so'ng tiklanib olishimiz kerak. Ammo jamoa ko'rsatgan ishtiyoq va iroda menga yana juda yoqdi.
Arsenal bosh murabbiyi Mikel Arteta Martin Edegorning joriy mavsumdagi o'yini haqida o'z fikrlari bilan o'rtoqlashdi.
Mikel Arteta:
"Ishonchim komilki, agar ushbu mavsumda uning jismoniy holatini saqlab qolsak va u doimiy ravishda maydonda bo'lsa, biz Martin Edegorni butunlay boshqacha darajada ko'ramiz."
Enso Mareska «Arsenal» haqida fikr bildirib, «Manchester Siti»ning maqsadlari haqida gapirdi.
🗣️ Mareska:
«So'nggi besh yil ichida «Arsenal» doimiy ravishda sovrin uchun da'vogarlar qatorida ekanligini ko'rsatdi. Bu Mikel boshqaruvidagi fantastik jamoa.
O'tgan mavsumda ular Premer-ligada g'olib chiqishdi va hozir qanchalik kuchli ekanliklarini namoyish etishdi. Ammo shu bilan birga, biz — «Manchester Siti»miz. Biz farqni qisqartirishga va yana sovrinlar uchun kurashishga harakat qilamiz».
Enso Mareska «Siti» boshqaruvidagi ilk rasmiy o'yini — Angliya Superkubogi haqida fikr bildirdi.
💭 Enso Mareska Angliya Superkubogi haqida:
Qachonki o'rtada sovrin va final turgan bo'lsa, har doim g'alaba qozonishga harakat qilasan. Bu sovrin. Biz birinchi sovrinni qo'lga kiritish uchun bor imkoniyatimizni ishga solamiz.
Enso jiddiy kayfiyatda. Uning «Siti» boshqaruvidagi ilk rasmiy o'yini — darhol Angliya Superkubogi uchun «to'pchilar»ga qarshi bahs. Uchrashuv 16-avgust kuni Kardiffdagi «Millennium» stadionida bo'lib o'tadi.
UOL Esporte xabariga ko'ra, Gabriel Jesus "Arsenal"da qolishni afzal ko'rmoqda va "Napoli"ga o'tish variantini rad etmoqda.
UOL Esporte xabariga ko'ra, Gabriel Jesus hatto hujum chizig'ida uchinchi variant sifatida qaralayotgan bo'lsa ham, "Arsenal"da qolishni afzal ko'rmoqda. U asosiy tarkibda ko'proq o'yin amaliyotiga ega bo'lishi mumkin bo'lgan "Napoli"ga o'tishni istamayapti.
Mikel Arteta «Arsenal»ning eng yaxshi o'yinini yakshanba kuni ko'rsatishga va'da berdi.
Muxbir: «Arsenal»ning eng yaxshi versiyasini qachon ko'ramiz?
Mikel Arteta: «Eng yaxshi versiyamizni yakshanba kuni ko'rsatishimiz kerak. Bu bizning maqsadimiz va mavsumni boshlashning eng yaxshi yo'li — birinchi sovrinni qo'lga kiritish. Biz aynan shu narsa uchun birinchi kundan boshlab tayyorgarlik ko'rdik, imkoniyatlarimiz cho'qqisida bo'lishni istaymiz».
Mikel Arteta transferlar, Saka va Raysning jismoniy holati hamda Angliya Superkubogiga tayyorgarlik haqida fikr bildirdi.
Mikel Arteta transfer bozori haqida:
«Bu mavsumning juda qiziqarli davri. Ko'p narsalar sodir bo'lmoqda va bu ma'lum bir shov-shuv yaratmoqda. Bizda jamoani yaxshilash va har bir o'yinchi o'zini qanday his qilayotganini tushunish imkoniyati bor. Kelgusi 13-14 kun ichida har bir pozitsiyada raqobatni kuchaytirish uchun qo'limizdan kelganini qilamiz».
«Doim shunday bo'ladi: o'yinchilar ketishi, yangilari kelishi mumkin. Bozordagi vaziyat qanday rivojlanishini kuzatamiz».
«Aniq nomlar haqida gapirmayman. Klubning ambitsiyalari juda katta va biz tarkibni yaxshilashni hamda rivojlantirishni istaymiz. Biz kuchaytirishi mumkin bo'lgan pozitsiyalarni allaqachon aniqlab oldik».
Arteta Saka va Raysning o'tgan mavsumdan beri bezovta qilayotgan jismoniy muammolari haqida:
«Biz xavotirli hech narsani sezmadik. Ikkalasida ham bu muammolarni bartaraf etish uchun terma jamoada individual dasturlar bo'lgan».
«Ularning holati yaxshilandi. Dam olish vaqtida ham ularda maxsus dasturlar bo'lgan va bu ularning so'nggi ikki-uch kundagi ko'rinishida yaqqol sezilmoqda».
Mikel Arteta Angliya Superkubogi haqida:
«Bu biz kurasha oladigan sovrin, chunki biz Premer-ligada g'alaba qozonib, bu huquqqa loyiq bo'ldik. O'yinchilarning g'alabaga bo'lgan chanqoqligi va qanchalik yutishni xohlashlari ko'rinib turibdi - bu juda yaxshi belgi».
«Futbolchilarning qaytgan holati menga yoqmoqda. Ularning aksariyati kutilganidan ertaroq qaytishdi va barchasi ajoyib jismoniy formada. Ular bir-biriga qaray boshlaganlarida, bizdagi guruhga va biz nimalar qurayotganimizga nazar tashlaysiz».
Arsenal bosh murabbiyi Mikel Arteta klubning transfer rejalari va tarkibni kuchaytirish borasidagi ambitsiyalari haqida gapirdi.
🗣 Mikel Arteta transferlar haqida shunday dedi:
Klubning ambitsiyalari katta va biz tarkibni kuchaytirmoqchimiz. Biz o'yinimizni yaxshilashimiz mumkin bo'lgan ayrim hududlarni aniqlab oldik va buni amalga oshirishga harakat qilyapmiz.
«Arsenal» bosh murabbiyi Mikel Arteta Premer-ligadagi g'alabalarni yana takrorlash niyatida ekanligini ma'lum qildi.
🗣️ Mikel Arteta:
«Premer-ligada g'alaba qozonishmi? Men buni yana takrorlashni rejalashtiryapman. O'sha hislarni yana bir bor boshdan kechirmoqchiman. Biz oldimizga maqsad qo'ydik — APL chempionligi uchun yana kurash olib borish. Biz shu yo'nalishda harakat qilyapmiz, g'alaba qozonish hammamizga yoqdi».
Mikel Artetaning Kristian Norgorga nima uchun ishonch bildirmagani va uni tarkibga kiritmagani sabablari ma'lum bo'ldi.
ESPN muxbiri Jeyms Ollining xabar berishicha, Deklan Raysning ko'p o'yin o'tkazishi va Martin Subimendining mavsum davomida charchab qolishi Mikel Artetaning Kristian Norgorga bo'lgan ishonchsizligi bilan bog'liq.
ESPN manbalariga ko'ra, Norgor mashg'ulotlar bazasida barcha tomonidan hurmat qilinadigan futbolchi bo'lgan va uning professionalligiga hech qanday shubha bo'lmagan. Biroq, Arteta daniyalik yarim himoyachi o'zi talab qiladigan darajadagi o'yin nazoratini ta'minlay olmaydi deb hisoblagan.
Mikel Arteta Deklan Raysning o'yin yuklamalari va uning maydondagi roli haqida gapirdi.
Mikel Arteta Deklan Raysning taqvimi va o'yin yuklamalari haqida o'z fikrlari bilan o'rtoqlashdi:
Deklan Rays o'tgan mavsumdagidek taxminan shuncha o'yin o'tkazadimi? U buni allaqachon boshdan kechirgan. So'nggi ikki-uch mavsumda u shuncha o'yin o'tkazib kelmoqda, shuning uchun u bunga ko'nikkan.
Umid qilamanki, u doimiy ravishda bunchalik ko'p o'ynashga majbur bo'lmaydi va o'yinlar sonidan ko'ra, o'z chiqishlari hamda o'yin sifatiga ko'proq e'tibor qarata oladi.
Ammo, katta ehtimol bilan, Raysning o'zi bunga qarshi chiqadi. U imkon bo'lsa, bu mavsumda 70 ta o'yin o'tkazishga ham tayyorligini aytadi, chunki u barcha sovrinlar uchun kurashishni istaydi.
Patris Evra "Manchester Yunayted"ning Premer-ligadagi imkoniyatlari haqida fikr bildirdi.
Patris Evra:
"Manchester Yunayted" Premer-ligada g'olib chiqadi. Balki men xayolparastdirman, balki bu klubni juda qattiq sevarman. Bu oson bo'lmaydi. Ammo, o'ylaymanki, "Yunayted" barchani hayron qoldiradi. Biz "Arsenal"dan kuchlimiz. Nega? Chunki ularni mag'lub etish juda oson bo'lgandi".
Rikkardo Kalafiori Pyero Inkapye bilan raqobat haqidagi savolga javob berdi.
🗣️ Kalafioridan Inkapye bilan raqobat haqida so'rashdi:
Men buni o'rnim uchun kurash deb qabul qilmayman. U mening eng yaqin do'stlarimdan biri va biz juda har xil o'yinchilarmiz. Agar murabbiy bo'lganimda, bunday tanlovdan juda mamnun bo'lardim.
Sami Mokbel «Arsenal»ning yozgi transfer rejalari, jumladan Jezus, Nelson, Osimxen, Martinelli, Subimendi va Konsa bilan bog'liq vaziyatga oydinlik kiritdi.
Sami Mokbel «Arsenal»dagi transfer holati bo'yicha katta yangilanishni taqdim etdi.
«Men klub UEFA va Premer-liganing moliyaviy qoidalariga rioya qilish uchun futbolchi sotishga majbur deb o'ylamayman. Ammo «Arsenal» o'zini o'zi moliyalashtirishga intilishi bilan faxrlanadi. Bu klub ko'p yillar davomida erishmoqchi bo'lgan maqsad va buning uchun o'yinchilarni yaxshi narxda sota olish kerak. Muxlislar «shunchaki bu o'yinchini tekinga qo'yib yuboring» deyishganda, bu noreal bo'lib chiqadi. Bunday ishlamaydi. Bu futbolchilar klub aktivlari hisoblanadi. «Arsenal» aynan shu oynada kimnidir sotishi shart deb hisoblamayman, lekin yozda sotuvlarni amalga oshirish klubning asosiy maqsadlaridan biri ekanligi aniq. Hammasi balansga bog'liq. Bu yoz oxirigacha kamida yana bitta yirik sotuv amalga oshishi kerakligini anglatadi. Bunday ssenariyni juda ehtimolli deb bilaman. «Arsenal» rahbariyatining bozordagi asosiy maqsadlaridan biri aynan faol va muvaffaqiyatli sotuvchi bo'lish edi. Agar klub moliyaviy barqarorlikni saqlab qolmoqchi bo'lsa, sotuvlar xaridlardan kam ahamiyatga ega emas».
Jezus:
«Napoli» Jezusga qiziqish bildirmoqda, ammo hozircha bu transferni tezlashtirayotgani yo'q. U katta klubda va u yerga juda bog'lanib qolgan. Qolaversa, Londonda yashash omili ham bor. O'rnashib qolgan ko'plab o'yinchilar uchun ko'chib o'tishga qaror qilish juda qiyin. Ular ko'p narsalarni hisobga olishlari va oilalarini o'z hayotlarini qurgan joydan ketishga ko'ndirishlari kerak».
Nelson:
«Nelson «Vest Xem» bilan taxminan 3 million funt sterling evaziga o'tish bo'yicha muzokaralar olib bormoqda. Endi shaxsiy shartnoma shartlarini kelishib olish kerak. Shuningdek, uning «Arsenal» bilan amaldagi shartnomasining qolgan qismi bo'yicha masalani hal qilish lozim. Agar bu masalalar hal etilsa, bitim juda tez amalga oshishi mumkin».
Osimxen:
«Ha, «Arsenal»ning Osimxenga qiziqishi haqidagi xabarlarda katta haqiqat bor. Men tushunganimcha, bu mavzu Berta va «Galatasaroy» o'rtasida Martinelli va ehtimol Nvaneri bo'yicha muzokaralar chog'ida ko'tarilgan. Osimxen masalasini kim birinchi bo'lib ko'targanini bilmayman: «Galatasaroy» «Arsenal» qiziqayotganini so'radimi yoki «Arsenal»ning o'zi qiziqish bildirganini aytdimi».
Martinelli:
«Martinelli «Arsenal»da qolishni istaydi va faqat o'zining sport ambitsiyalarini qondira oladigan klubga o'tish variantini ko'rib chiqadi. Karyerasining hozirgi bosqichida pul asosiy omil emas. U eng yirik sovrinlar uchun kurashadigan klubda ekanligini tushunadi va hozirda chap qanot hujumchisi pozitsiyasida birinchi tanlov hisoblanadi. Hozircha uning ketishi uchun motivatsiya ko'rmayapman. Biroq, agar «Arsenal» yana bir hujumchi o'yinchi bilan shartnoma imzolashga muvaffaq bo'lsa, uning kelajagiga bo'lgan munosabati o'zgarishi mumkin».
Subimendi:
«Yoz boshida shuni eshitgandimki, agar «Arsenal»ning yarim himoya bo'yicha rejalari o'ylanganidek ketsa, garchi yakunda hammasi reja bo'yicha ketganiga ishonchim komil bo'lmasa-da, transfer oynasi oxiriga kelib Subimendi klub takliflarni ko'rib chiqadigan o'yinchilardan biriga aylanishi mumkin edi. Buni yoz boshida eshitganman. Hozir bunday gap-so'zlar sezilarli darajada kamaydi. Ammo agar «Arsenal» Martinelli, Jezus va Nvaneri kabi futbolchilarni sotishda qiyinchiliklarga duch kelishda davom etsa, Subimendi uchun katta pul to'lashga tayyor klublar topilarmikan, degan savol tug'iladi».
Saliba:
«Jahon chempionati vaqtida menga agar Salibaga operatsiya kerak bo'lsa, u to'rt-besh oyga safdan chiqishi aytilgandi. «Arsenal» uchun omad shundaki, bunchalik uzoq muddatli tiklanishdan qochib qolindi. Lekin kamida 2-3 oy maydondan tashqarida».
Konsa yoki Kuansa:
«Konsa Artetaning Kuansaga nisbatan afzal ko'rgan varianti. Unga kelib darhol o'ynashga tayyor bo'ladigan variant kerak. Muammo shundaki, «Arsenal»ning futbolchiga bahosi o'ziga xos, «Aston Villa»niki esa boshqacha. Klublar o'rtasida taxminan 20 million funtlik farq bor. «Villa» o'z talablarini pasaytirmoqchi emas va 60 million funt atrofida mablag' istamoqda. Klub jiddiy bosim ostida va uni sotishga majbur deb o'ylamayman. Agar «Arsenal» haqiqatan ham Konsani juda xohlasa, unda talab qilingan summani shunchaki to'lashga to'g'ri keladi».
Mikel Arteta "Arsenal"dagi shartnomasi borasida o'z fikrlari bilan o'rtoqlashdi va klubda qolishdan juda baxtli ekanligini ta'kidladi.
🗣 Mikel Arteta o'zining "Arsenal" bilan shartnomasi borasida to'xtalib o'tdi:
Yo'q, men hech narsadan xavotir olmasligim kerak, chunki men shu yerda qolishni istayman. Men juda baxtliman. Men bilan ishlayotgan insonlar bilan birga mehnat qilish imkoniyati uchun juda minnatdorman.
Biz bunga shunday yondashyapmiz, chunki barchasi o'zini qulay his qilmoqda. Shartnoma muddati muammo bo'lmasligini bilamiz, chunki men albatta shu yerda bo'lishni xohlayman va shu yerda juda baxtliman.
Klubga bo'lgan his-tuyg'ularim ham xuddi shunday. Shuning uchun hammasi juda tabiiy tarzda kechmoqda deb o'ylayman.
Martin Kioun «Arsenal»ning «Manchester Siti»ga qarshi Angliya Superkubogi doirasidagi o'yini haqida fikr bildirdi.
Martin Kioun «Arsenal»ning «Manchester Siti»ga qarshi Angliya Superkubogi doirasidagi o'yini haqida fikr bildirdi:
Bu mavsum oldidan o'ziga xos bosh mashg'ulot hamdir. O'ylashimcha, bunday bahs ma'lum bir ustunlik beradi, chunki birinchi tur oldidan doimo bosim yuqori bo'ladi, bu yerda esa uni oldindan kamaytirib olish mumkin. Bizning davrimizda, agar «Manchester Yunayted»ni mag'lub etsak, Aleks Fergyuson bu hech narsani anglatmasligini va ahamiyati yo'qligini aytardi.
Ammo agar ular g'alaba qozonsa, bu ular chempion bo'lishini anglatardi. Shuning uchun, albatta, siz bu sovrin bilan suratga tushishni xohlaysiz. «Arsenal»ning dastlabki besh-olti o'yini juda qiyin. Shu bois, o'ylashimcha, jamoaga ishonch bag'ishlash uchun bu o'yinda g'alaba qozonish kerak. Ba'zi yigitlar faqat dushanba kuni, ya'ni o'yinga olti kun qolganda qaytishdi. Odatda sizda to'rt haftalik ta'til, keyin esa yana ikki haftalik mashg'ulot bo'ladi.
Shu bilan birga, siz baribir mustaqil shug'ullanishingiz kerak. Zamonaviy futbolda professional futbolchi deyarli ishdan butunlay uzilib qola olmaydi. U tarixdagi eng buyuklardan biri. Murabbiylarning ketishi jamoalarga qanday ta'sir qilganini avval ham ko'rganmiz, ammo shunchaki o'z ishingizga e'tibor qaratishingiz kerak. Bu murabbiy aynan shunday qiladi. Ularga qo'rquv bilan o'ynash kerak emas. Endi ular o'zlariga ishonch hosil qilib, raqibga qarshi borishlari, shunchaki chempionlikni himoya qilishga urinmasdan, yana maydonga chiqib, uni yutishga harakat qilishlari kerak.
Mikel Arteta Yurrien Timberning jarohatdan qaytishi va Itan Nvanerining kelajagi haqida fikr bildirdi.
Mikel Arteta Yurrien Timber yaqin orada maydonga qaytmasligi mumkinligiga ishora qildi.
Timber terma jamoalar o'yinlari uchun oktyabrdagi tanaffusdan keyin qaytadimi? Bilmayman. Kutish va kuzatish kerak. Avvalo, u jamoa bilan mashg'ulotlarga qaytishi lozim.
Mikel Arteta Itan Nvaneri haqida:
Men uning klubda qolishini istayman. Ammo o'rta va uzoq muddatli istiqbolda o'yinchi uchun nima yaxshiroq bo'lishini ham hisobga olishimiz kerak.
Itanga futbol o'ynash kerak. Agar u shu yerda qolsa, demak, biz unga o'yin daqiqalarini kafolatlay olamiz.
Mikel Arteta jamoani tark etishi mumkin bo'lgan o'yinchilar haqida fikr bildirdi: "Biz ayrim futbolchilar jamoani tark etishiga to'g'ri kelishini qabul qilishimiz kerak".
Mikel Arteta jamoani tark etishi mumkin bo'lgan o'yinchilar haqida fikr bildirdi:
Biz ayrim futbolchilar jamoani tark etishiga to'g'ri kelishini qabul qilishimiz kerak.
