Gabriel Jezus «Barselona»ga o'tishi va bu boradagi o'z fikrlari bilan o'rtoqlashdi.
🎙️ Gabriel Jezus «Barselona»ga qanday o'tgani haqida gapirib berdi:
«Mening xayolimda yo shartnomam oxirigacha «Arsenal»da qolish, yo Braziliyaga qaytish bor edi», — dedi Jezus «Barselona» rasmiy saytiga.
«Men «Barsa»da o'ynash imkoniyati qo'ldan boy berilgan deb o'ylagandim, ammo Xudo meni yana bir bor hayron qoldirdi».
Roy Kin Eberechi Ezening o'yiniga tanqidiy baho berib, uning Arsenal va Angliya terma jamoasidagi raqobatga tayyor bo'lishi kerakligini ta'kidladi.
🎙️ Roy Kin Ezedan raqobatni qanday qabul qilishi kerakligi haqida:
Meni ba'zida o'yinchilar: "Hozir mening vaqtim emas" yoki "U mendan yaxshiroq" deb o'ylay boshlashlari xavotirga soladi. Terma jamoada ham, Arsenalda ham boshqa o'yinchilar tomonidan tashlangan bu chaqiriqni qabul qilish kerak. Menga shunday tuyuladiki, Eze ba'zida kurashni qabul qilish o'rniga shunchaki chetga chiqib ketadi. Maydonga tushib, eng yaxshi o'yiningni ko'rsatishing kerak. Men aytganimdek, uni yetarlicha kuzatdim va uning o'yinida juda ko'p e'tiborsiz epizodlar bor.
🎙️ Roy Kin Ezening to'psiz o'yini haqida:
U uchun bu jiddiy sinov. Biz uning orqaga qaytib, to'pni qabul qilganda qanchalik yaxshi ekanini bilamiz, ammo Xorvatiya bilan o'yinda biz undan bu kuchli mehnat va to'psiz yugurishlarni ko'rmadik. Men buni qilishni xohlamayaptimi yoki o'zi yetarlicha harakat qilmayotganini sezmayaptimi, bilmayman, ammo bugungi o'yin u uchun juda muhim. Agar hujumkor o'yinchilar orasidagi raqobatga, shu jumladan Arsenal tarkibidagilarga qaraydigan bo'lsak, ba'zida Eze juda e'tiborsiz bo'lib qoladi. U o'zining eng yaxshi versiyasini ko'rsatishi kerak.
🎙️ Roy Kin Eberechi Ezening chiqishi haqida:
Men uning Xorvatiya bilan o'yindagi harakatidan hafsalam pir bo'ldi. Angliya ko'p hujum qildi va umuman olganda juda yaxshi o'ynadi, shuning uchun senga shunday imkoniyatlar berilganda, ulardan foydalanishga majbursan. Menga ko'plab epizodlarda u juda e'tiborsiz harakat qilgandek tuyuldi.
«Arsenal» va «Manchester Siti»ning sobiq himoyachisi Bakari Sanya «Inter»ga bo'lgan hurmati hamda bir vaqtlar klubga o'tishi mumkin bo'lgani haqida gapirdi.
«Arsenal» va «Manchester Siti»ning sobiq futbolchisi Bakari Sanya:
«Men «Inter» safida to'p surishni istardim, bu buyuk klub. «Inter»ni hurmat qilaman, o'sha vaqtdagi egalar/prezident menga juda mehribon bo'lishgan. Men «Arsenal»ni tark etayotganimda, ular qiziqish bildirgan dastlabki klublardan biri edi. Muammo til to'sig'i va mening Premer-ligada qolish istagimda edi, u men uchun eng yaxshi chempionat bo'lib qolmoqda. Menga qora-ko'k libos yoqadi, «Inter»dagi hamma narsa menga manzur. Men — interistman».
Ispaniya terma jamoasi bosh murabbiyi Luis de la Fuente Mikel Merinoning iqtidoriga yuqori baho berdi.
Luis de la Fuente: «Merino — dunyodagi eng yaxshilardan biri. Uni munosib baholashmayapti»
«Mikel Merino o'z pozitsiyasida dunyodagi eng yaxshilardan biri. U istalgan jamoada o'ynash darajasiga ega. U o'yinning muhim pallalarini tushunishni biladi. Uning muhim gollarni urishdek qobiliyati bor»
«Mening uchun bunday iqtidor va insoniy fazilatlarga ega futbolchini boshqarish sharaf. Men aytganimdek, agar kerak bo'lsa, uni qo'limda ko'tarib yurgan bo'lardim. Uning futbolchilik mahorati munosib e'tirof etilmayapti. Boshqa mamlakatlarda uni ko'proq qadrlashgan bo'lardi. Bu jahon darajasidagi futbolchi va Mikel Merino ulardan biri»
Devid Ornsteyn Mikel Arteta haqida fikr bildirdi. Uning so'zlariga ko'ra, murabbiy klubdagi barcha jarayonlarni to'liq nazorat qiladi.
🗣️Devid Ornsteyn:
Arteta – Arsenal qiroli. Yoqadimi yoki yo'q, buni qabul qilish kerak. U klubdagi mutlaqo hamma narsani nazorat qiladi.
Willian 2013-yilda «Tottenxem»ga o'tish arafasida turganida nima uchun fikridan qaytgani va «Chelsi»ni tanlagani haqida so'zlab berdi.
🎙️ Willian 2013-yilda «Tottenxem»ga o'tishi deyarli hal bo'lgan transferi barbod bo'lgani haqida gapirib berdi.
«Men Rossiyadan Londonga kelgandim. Agentim bir nechta klublar bilan muloqot qilgandi — «Liverpul», «Tottenxem» va «Chelsi». Yuragim doim «Chelsi» bilan edi, lekin o'sha paytda ular hali ishonch hosil qilishmagandi. Londonda yashashni xohlaganim uchun «Tottenxem»ga o'tishga qaror qildim.
Shartnoma imzolashim kerak bo'lgan kuni uyg'onib, o'zimga shunday dedim: „Yo'q, men «Tottenxem»ga o'tishni xohlamayman“. Men allaqachon «shporlar»ning mashg'ulot bazasiga shartnoma imzolash uchun mashinada ketayotgan edim va shunday dedim: „Yo'q, men «Chelsi»ga o'tmoqchiman“».
Antonio Konte The Athletic nashriga bergan intervyusida «Chelsi» va «Tottenxem»dagi davri, shuningdek, klublardagi muvaffaqiyatsizliklar haqida gapirdi.
The Athletic nashriga bergan yangi intervyusida Antonio Konte «Chelsi» va «Tottenxem»dagi faoliyati haqida gapirib o'tdi:
G'alaba qozonish oson emas, bu juda ko'p kuch talab qiladi. Gap faqat urinishlar haqida ketmayapti. Bu qon, ter va ko'z yoshlari. Ba'zilar muvaffaqiyat osmondan tushadi deb o'ylashadi, lekin unday emas. Uni izlash, qo'lga kiritish kerak. O'tirib olib, mumkin bo'lgan muvaffaqiyat haqida gapirish hech qanday foyda bermaydi.
«Chelsi» bilan biz autsayder bo'la turib, APLda g'olib chiqqanmiz. Klub o'tgan mavsumni o'ninchi o'rinda yakunlagandi, biz katta transferlar qilmaganmiz. Biz Luis va Alonsoni tarkibga qo'shib oldik. Klub mendan o'n marta Ngolo borasida ishonchim komilmi deb so'ragan. U «Chelsi»ning tipik o'yinchisi emasdi, bo'yi baland va kelishgan ham emasdi. E'tiborga loyiq hech narsasi yo'qdek edi, hatto o'zim ham uni birinchi marta ko'rganimda, unga jismoniy kuch yetishmaydi deb o'ylaganman! Ammo keyin uning top o'yinchi ekanligini tushunib yetdim.
«Tottenxem» bilan shartnoma imzolaganimda, klubdagi hamma narsani o'zgartirish bo'yicha jiddiy ambitsiyalarim bor edi. Shu jumladan, u yerda men bilan Fabio Paratichi bo'lgani uchun ham. Men kelganimda «Tottenxem» to'qqizinchi o'rinda edi. Mavsum yakunida biz «Arsenal»ni ortda qoldirib, to'rtinchi o'rinni egalladik.
Ammo yangi mavsumda biz bir-birimizga mos emasligimizni tushundim. Esimda, qachondir yutqazdikmi yoki durang o'ynadikmi, Leviyga xabar yozgandim. U menga: «Xavotir olma, keyingi safar yutamiz», deb javob bergan. Bu nima degani? Unga doim aytardim — vaziyatga chuqurroq nazar tashla! Meni eng ko'p g'azablantirgani shundaki, odamlar «Tottenxem» hech qachon hech narsa yuta olmaydi, chunki ular omadsizlar deb gapirishardi. Hisoblaymanki, klubning har bir xodimi bunday gaplarni eng yomon formatda qabul qilishi kerak. Bu cheksiz hazillarga aylanib ketdi, ular ustidan hamon kulishadi. Hatto «Arsenal» «Brayton»ga 0:3 hisobida yutqazganda ham, hamma «Arsenal» o'sha o'yinda «Tottenxem»ga aylanib qoldi deyishadi. Ishoning, bu meni juda asabiylashtiradi.
Tomas Tuxel Angliya terma jamoasi himoyachisi Ezri Konsaning jarohati bo'yicha vaziyatga aniqlik kiritdi.
🚨 Tomas Tuxel Ezri Konsaning jarohati haqida:
Ezri terma jamoa ixtiyoriga kelganida biroz noqulaylik sezgan va shunga qaramay Ispaniyaga qarshi o'yinda maydonga tushgan.
Keyin u yana mashg'ulot o'tkazdi, ammo juda erta qaytdi va Xorvatiyaga qarshi bahsda ishtirok etishga urindi.
Afsuski, u yana son qismiga zarba qabul qilib oldi. Unda kichik jarohat bor va u og'riq sezayotgan ekan, biz uni maydonga tushirmaslikka qaror qildik.
Tyerri Anri "Arsenal" yangi futbolchisi Xristos Tsolisning o'yinini yuqori baholadi va uning rivojlanishi haqida o'z fikrlari bilan o'rtoqlashdi.
Tyerri Anri "Arsenal" yangi futbolchisi Xristos Tsolisning o'yini haqida fikr bildirdi:
Men uni uzoq vaqtdan beri kuzatib kelaman, hatto u "Bryugge"da o'ynagan vaqtlardan beri... U to'p bilan muomalada ikkilanmaydi, maydonni ko'ra olish qobiliyati a'lo darajada, markazga o'tganida esa biz ko'rganimizdek, bir nechta golli uzatmani amalga oshira oladi. U o'zini darhol yaxshi tomondan ko'rsatdi.
Ko'rinib turibdiki, unga safar o'yinlarida harakat qilish hali ham qiyin. U Premer-ligada safarda o'ynaganda nimalar bo'lishini tushunib yetishi kerak... Lekin bu normal holat. Umuman olganda, menimcha, u o'zini yaxshi namoyon etmoqda.
Teo Uolkott "Arsenal"ning chempionlikni saqlab qolish imkoniyatlari haqida o'z fikrlari bilan o'rtoqlashdi.
Teo Uolkott "Arsenal"ning chempionlikni saqlab qolishi haqida fikr bildirdi:
Menimcha, ular ajoyib jamoa va men ularda chempionlikni saqlab qolish uchun barcha imkoniyatlar bor deb hisoblayman. Ammo bu oson bo'lmaydi, chunki ular Chempionlar ligasida ham g'alaba qozonishni istashadi.
Norberto Neto "Yuventus"ga qaytgani va jamoaning kelajagi haqida o'z fikrlari bilan o'rtoqlashdi.
Norberto Neto:
"Po-moyemu, qachonki yoshingiz 25 dan 30 gacha bo'lsa, faoliyatingizni yakunlash haqida o'ylash qiyin. Sportdan ketish har doim qo'rqinchli. Men bu so'zdan juda qo'rqardim, chunki butun hayotim futbol bilan o'tgan.
Bir paytlar bu haqda o'ylab qoldim: o'zimni haqiqatan ham erkin va xotirjam his qilayotgandim. Keyin esa "Yuve" paydo bo'ldi va bu fikr vaqtincha chekindi. Hatto bir necha hafta oldin kelayotgan qo'ng'iroqlarga ham javob berishni istamagandim, chunki oilamning farovonligini birinchi o'ringa qo'ygandim.
Ayolim Turinni sevib qolgan — biz 10 yil oldin ham bu yerga birga kelganmiz. Hozir esa barchamiz qaytganimizdan behad xursandmiz. Endi faqat o'yindan zavq olish, o'zimni a'lo darajada his qilish va ushbu buyuk klub manfaati yo'lida astoydil mehnat qilish haqida o'ylayapman.
Ilgari mister (Spalletti) bilan ishlash nasib qilmagandi. Futbolda hamma bir-birini taniydi, har kimning o'z fikri bor. Dastlabki aloqalarimiz juda ijobiy o'tdi: to'g'ri qaror qabul qilganimga aminman.
"Yuve" Chempionlar ligasisiz? Bu futbol dinamikasi, vaziyatlar. Oxir-oqibat, faqat bugungi kunni o'ylab ishlash kerak. Bu yerdagi futbolchilar hamon juda kuchli, salohiyati yuqori va klass darajasi baland. Nazarimda, biz bir necha yil avval "Yuventus" taqdim etgan hislarni qaytarishga qodirmiz.
Vikario APLda haqiqatan ham ajoyib mavsumlarni o'tkazdi, men u bilan Angliyada, "Bornmut" va "Arsenal"da o'ynagan vaqtimda to'qnash kelganman. Bu eng yuqori darajadagi darvozabon. Umid qilamanki, biz bu yerda ko'plab ajoyib lahzalarni baham ko'ramiz: uning terma jamoa ixtiyoridan qaytishini kutyapman".
Viktor Dyokeresh "Arsenal"dagi kelajagi va klubdagi holati haqida o'z fikrlari bilan o'rtoqlashdi.
Viktor Dyokeresh o'zining "Arsenal"dagi kelajagi haqida gapirdi:
Albatta, mish-mishlar ko'p bo'ldi. Ammo men to'liq mavsumoldi tayyorgarligini o'tkazdim va bu ajoyib bo'ldi. Men butunlay "Arsenal"ga diqqatimni qaratgan edim. Men uchun qolish tabiiy hol edi. Men klubda juda baxtliman.
Shvetsiya terma jamoasi bosh murabbiyi Grem Potter «Manchester Siti»dagi ayblovlar haqida hazilomuz fikr bildirdi.
Shvetsiya terma jamoasi bosh murabbiyi Grem Potter «Manchester Siti»ni masxara qilish imkoniyatini qo'ldan boy bermadi:
Bizda tarkib bilan bog'liq muammolar «Manchester Siti»dagi ayblovlar soni bilan deyarli bir xil edi.
Viktor Dyokeres kulgisini zo'rg'a tiyib turdi.
Yurrien Timber Gretsiyaga qarshi o'yindan so'ng o'zining jismoniy holati va o'yin ritmini tiklash zarurati haqida gapirdi.
🗣️ Yurrien Timber Gretsiya bilan durangdan so'ng:
«Men charchadim. Albatta, ma'lum vaqt maydondan tashqarida edim, shuning uchun o'yin ritmini qayta tiklashim va optimal jismoniy holatga chiqishim kerak».
Martin Subimendi «Real» bilan bog'liq mish-mishlarga munosabat bildirib, «Arsenal»ga e'tibor qaratganini ta'kidladi.
Martin Subimendi:
«Real» bilan bog'liqlikmi? Boshqa klublar haqida gapirish «Arsenal»ga nisbatan hurmatsizlik bo'lardi. Bu yozda men jahon chempionatidan qaytdim va butun e'tiborimni aynan shu «Arsenal»ga qaratganman.
Jon Obi Mikel "Arsenal"ni firibgarlikda ayblab, "Manchester Siti"ning yutuqlarini himoya qildi.
Jon Obi Mikel aynan "Arsenal"ni firibgarlikda aybladi, "Manchester Siti"ni emas.
"Ular chempionatni burchak zarbalari evaziga yutishdi. Ular Premer-ligadagi g'alaba yo'lida firibgarlik qilishdi. Ular o'yinlarni yutish usuli noqonuniy edi. Men hech qachon "Manchester Siti" futbolchilarining xizmatlarini va ular maydonda erishgan yutuqlarini kamsitmayman. Hech qanday holatda"
Zlatan Ibragimovich Viktor Dyokereshni tanqidlardan himoya qilib, hujumchining "Arsenal"dagi o'yini va unga yaratilayotgan vaziyatlar haqida fikr bildirdi.
Zlatan Ibragimovich Viktor Dyokereshni himoya qildi:
Dyokeresh — dunyodagi eng yaxshi hujumchilardan biri. Uni "Arsenal"da yetarlicha gol urmayotgani uchun tanqid qilishsa, kulgim keladi. Agar u gol urmayotgan bo'lsa, o'zingizdan so'rang: unga vaziyat yaratib berishyaptimi? U o'tgan mavsum "Arsenal"ga o'tdi, ularga 22 yil ichida ilk chempionlik unvonini yutishda yordam berdi va 20 dan ortiq gol urdi. Haqiqiy hujumchilar shunday qilishadi.
Hujumchi hamma narsani o'zi yarata olmaydi. Unga imkoniyatlar yaratib berish kerak. Agar "Arsenal" vaziyatlar yaratsa-yu, u ulardan foydalana olmasa, tanqidni tushungan bo'lardim. Lekin men buni ko'rmayapman.
Uni Shvetsiya terma jamoasi tarkibida kuzating. Ular vaziyatlar yaratishadi, u esa gol uradi. Bizning Jahon chempionatiga chiqishimizning asosiy sabablaridan biri aynan u.
Men uchun u doim jahon darajasidagi hujumchi bo'lib qoladi. Unga imkoniyat bering. Shunda u gol uradi. Hammasi oddiy.
Italiyalik sharhlovchi Rikkardo Trevizani yosh hujumchi Pio Espozitoning iqtidoriga yuqori baho berdi.
«Espozito? So'nggi yillarda uning Kamarda bilan solishtirilayotganini eshitdim. Keyin uning sekin o'yinchi ekani, sekin burilishi va faqat jismoniy kuch evaziga o'ynashi haqidagi gap-so'zlarni eshitdim. Bu bizda juda uzoq vaqtdan beri bo'lmagan turdagi o'yinchi. Bugun 20 yoshida u 25 yoshli Luka Toni kabi. Unda boshqalarning e'tiboridan chetda qoladigan narsa bor: o'ta yuqori futbol intellekti. U maydonda shunday ishlarni qiladiki, buni bu yoshda tasavvur qilish juda qiyin.
U o'zining jismoniy ma'lumotlaridan ajoyib tarzda foydalanadi. U to'p bilan muomalani biladi, uni oldinga siljitishni, sheriklari bilan o'ynashni biladi va har doim vaziyatlarni to'g'ri o'qiydi. Biz juda aqlli o'yinchi haqida gapiryapmiz. Pio Espozito — bu kelgusi 10 yillik uchun Italiya terma jamoasining markaziy hujumchisi va men chin dildan umid qilamanki, boshqa hech kim uning saviyasini shubha ostiga olmaydi.
— Rikkardo Trevizani.
Jud Bellingem Norvegiya bilan o'yindan so'ng bosh murabbiy Tomas Tuxelning tanqidlariga va jamoaning o'yiniga munosabat bildirdi.
Jud Bellingem Norvegiya bilan o'yindan so'ng bosh murabbiy Tomas Tuxelning tanqidlariga munosabat bildirdi:
Tuxel Angliya terma jamoasining Norvegiyaga qarshi o'yinidan noroziligini bildirdimi? Mayli, mayli. Balki u shunday yo'l bilan jamoamizga yuqori talablar qo'yayotgandir. Yoki u Xoland, Edegor, Nusa va Syorlot kabi futbolchilarga qarshi, bunday murakkab ob-havo sharoitida o'ynash qanchalik qiyinligini bilmasligi ham mumkin. Norvegiya oson raqib emas.
Bellingem jamoaning ruhiy holati va o'yin uslubi haqida ham to'xtalib o'tdi:
Har holda, biz kiyim almashtirish xonasida ijobiy muhitni saqlab qolishga harakat qildik va bu kayfiyatni JCh yarim finaliga ham ko'chirishimiz kerak. Jamoadoshlarimni alohida ta'kidlamoqchiman, chunki shunchaki to'pni nazorat qilib va minglab paslar berib, har bir o'yinda g'alaba qozonib bo'lmaydi. Ba'zida kurashlar evaziga g'alaba qozonish kerak. Biz bugun aynan shuni amalga oshirdik.
Futbolchi bosh murabbiyning omad haqidagi gaplariga ham javob qaytardi:
Tuxelning "Norvegiyani yutishda omadimiz keldi" degan gapiga kelsak, izohsiz. Barchamiz ulkan kuch sarf qildik. Angliya terma jamoasidagi ajoyib o'yin ko'rsatgan jamoadoshlarimga minnatdorchilik va hurmat bildirmoqchiman. Men ular bilan faxrlanaman.
Bellingem o'yin oldidan ogohlantirilgani haqida ham esladi:
Norvegiya bilan o'yin oldidan sariq kartochkam bor edi. Shu sababli onam butun hafta davomida so'zlarimga, to'p uchun kurashlarga, yuz ifodamga va hissiyotlarimga ehtiyot bo'lishimni uqtirdi (kuladi).
Dublimmi? Terma jamoaga yana yordam berganimdan xursandman, ammo qo'lga kiritilgan g'alaba – jamoaviy mehnat mevasi. Biz butun jamoa, shtab va muxlislar yordamida g'alaba qozona oldik. Bu Angliya uchun juda o'zgacha kun.
Mikel Arteta Arsenal bilan shartnomasini uzaytirdi. Murabbiy klub bilan hamkorlik davom etayotganidan faxrlanishini bildirdi.
🚨 Mikel Arteta shartnomasini uzaytirgandan so'ng shunday dedi:
For men uchun klub bilan kelajagimni bog'lash va Arsenal uchun faqat eng yaxshisini istaydigan ajoyib insonlar bilan ishlashni davom ettirish katta sharaf. Bu klub o'ziga xosligi va uyg'otadigan his-tuyg'ulari bilan yagona. Birgalikdagi sayohatimiz davom etayotganidan minnatdorlik va faxr tuyg'usini his qilyapman.
Biz allaqachon o'ziga xos aloqa o'rnatdik va umrbod yodimizda qoladigan lahzalarni boshdan kechirdik. Ammo eng ko'p ilhomlantiradigan narsa shundaki, bu biz birgalikda erisha oladigan narsalarning faqat boshlanishi. Sten va Joshga ishonchi va qo'llab-quvvatlashi uchun behad minnatdorman. Bu klubni uning 140 yillik tarixidagi eng o'ziga xos davrlardan birida boshqarish men uchun katta faxr. Bu men va oilam uchun juda muhim va g'ururli lahza. Ajoyib muxlislarimizning sevgisi va hurmatini his qilyapman va shuni ayta olamanki, men va oilam ularga nisbatan aynan shunday his-tuyg'ularni tuyamiz.
Garri Rednapp «Tottenxem»dan nega ketkazilgani haqida gapirdi. Uning so'zlariga ko'ra, barchasi Robbi Kin tufayli Jo Lyuis bilan yuzaga kelgan ziddiyatdan boshlangan.
Garri Rednapp o'z fikricha, «Tottenxem» uni nima uchun ishdan bo'shatganini aytib berdi. Uning fikricha, hammasi Deniel Levi va Jo Lyuisning Robbi Kin tufayli qilgan qo'ng'iroqlaridan boshlangan:
Biz ligada ikkinchi o'rinda edik, hammasi a'lo darajada ketayotgandi. Men «Tottenxem» egasi Jo Lyuis bilan hech qachon uchrashmaganman. Deniel Levi klubdagi barcha kundalik ishlar bilan shug'ullangan. Ammo Jo boshliq edi va men u bilan hech qachon uchrashmaganman.
Bir kuni juma kuni «Manchester Yunayted»ga qarshi o'yin oldidan aeroportga ketayotgan edim. Menga Levi qo'ng'iroq qildi. U menga hech qachon juma kunlari qo'ng'iroq qilmagan va hech qachon ishlarimga aralashmagan. Deniel har doim menga nisbatan yaxshi munosabatda bo'lgan. U bilan hech qachon muammolarim bo'lmagan. U hujumda kimni maydonga tushirishimni so'radi.
Men: «Robbi Kinni», deb javob berdim. Levi hayron bo'ldi va Rafael van der Vartdan kim bilan o'ynashni xohlashini so'ragan-so'ramaganimni so'radi.
Men: «Buning unga nima aloqasi bor? Jamoani men tanlayman, Rafael emas», deb javob qaytardim.
Keyin kechqurun mehmonxonada Jo Lyuis qo'ng'iroq qildi. U menga hujum chizig'i: Lennon, Pavlyuchenko, van der Vart, Garet Beyl yoqishini aytdi, keyin esa Robbi Kin foydasiz ekanini qo'shimcha qildi. Men: «Bu sening fikring, Jo», dedim. U hatto Kin ofsayd qoidasini ham bilmasligini aytdi. Men: «Biladi deb o'ylayman. U bunchalik ko'p gol urgan», deb javob berdim. Oxirida Jo: «Agar Kin ertaga maydonga tushsa, men o'yinni hatto tomosha ham qilmayman», dedi. Men: «Bu sening tanloving, Jo», dedim. O'shanda tushundim: agar biror narsa noto'g'ri ketsa, muammolarga duch kelishim mumkin.
Tabiiyki, men baribir Kinni maydonga tushirdim. Levi yana van der Vart haqida so'radi. Men yana o'sha javobni qaytardim. Ammo men allaqachon tushunib yetgandim: har qanday xato — meni ishdan bo'shatishadi.
Rostini aytsam, Denielning o'ziga ham ketishimni ko'rish og'ir bo'lgan deb o'ylayman. Balki u hatto meni himoya qilishga ham uringandir. Ammo Lyuisning Kin tufayli e'tirozi bor edi.
Ledli King "Tottenxem"ning hozirgi holati va jamoaning qiyinchiliklardan chiqib ketish imkoniyatlari haqida fikr bildirdi.
Ledli King turnir jadvalidagi holat haqida:
Vaqt o'tishi bilan biz unchalik oson bo'lmagan davrni boshdan kechirmoqdamiz, ammo vaziyat o'yindan o'yinga o'zgarayotganini ko'ryapman. Jamoamizda ushbu vaziyatdan chiqib ketish yo'lini topishdan boshqa iloj yo'q. O'yinchilarimizning ko'pchiligi o'tgan mavsumda ham shunday qiyinchiliklarga duch kelishgan va yechim topa olishgan.
Gap ishonchda. Biz jamoaga eng yaxshi futbolchilarni yig'dik va ishonchim komilki, birinchi ijobiy natijaga erishishimiz bilan hammasi juda tez yaxshi tomonga o'zgarishi mumkin. Asosiysi — tinmay mehnat qilishda davom etish va o'z kuchiga ishonish. Bu bizni muvaffaqiyatga yetaklaydigan yagona yo'l.
Roberto Manchini Rikkardo Kalafyori haqida iliq fikrlar bildirdi: «U yetakchi. Jismonan, texnik va ruhiy jihatdan».
Roberto Manchini Rikkardo Kalafyori haqida iliq fikrlar bildirdi:
«U yetakchi. Jismonan, texnik va ruhiy jihatdan», — dedi mutaxassis.
Antonio Konte «Tottenxem»dagi faoliyati va Daniel Levi bilan bo'lgan munosabatlari haqida o'z fikrlari bilan o'rtoqlashdi.
🚨 Antonio Konte o'zining «Tottenxem»dagi davri va Daniel Levi bilan bo'lgan suhbat haqida gapirib berdi.
Men «Tottenxem»ga vaziyatni biroz o'zgartirish ambitsiyalari bilan kelganman, bunga qisman u yerda [Fabio] Paratichi ishlagani sabab bo'lgan. Men kelganimda jamoa to'qqizinchi o'rinda edi. Biz mavsumni to'rtinchi o'rinda, «Arsenal»dan oldinda yakunladik.
Men bir safar o'yinni yuta olmaganimiz yoki durang o'ynaganimizni eslayman va Daniel Leviga yozgandim. U menga: „Xavotir olma, keyingi o'yinda yutamiz“, deb javob berdi.
Men o'shanda: „Bu nima degani...?“ deb o'ylaganman. Men unga doim: „Qara!“ derdim. 😡
Meni eng ko'p jahlimni chiqargani, atrofimdagi odamlar: „«Tottenxem» hech qachon hech narsa yutmaydi“, deyishardi. Ular omadsiz, deyishardi.
Ularning ustidan kulishardi. Hozir ham kulishda davom etishmoqda. Masalan, «Arsenal» «Brayton»ga 0:3 hisobida yutqazganda, ular hazillashishdi: „«Arsenal» «Tottenxem»ga aylanib qoldi“. Tushunyapsizmi? Ishoning, bu meni juda jahlimni chiqargan. 😬
Willian Mikel Arteta bilan bo'lgan suhbat va Arsenalga o'tish qarori haqida gapirib berdi.
🎙️ Willian Mikel Arteta uning Arsenalga o'tishi oldidan nimalar degani haqida gapirib berdi:
«Biz bir necha bor uchrashdik. Men Arteta va klubning barcha vakillari bilan ko'rishdim. Ular menga: “Biz seni jamoamizda asosiy o'yinchi bo'lishingni istaymiz”, deyishdi.
Arteta menga: “Biz mana bunday o'ynamoqchimiz va men seni asosiy futbolchi bo'lishingni xohlayman. Jamoani sen atrofingda quraman. Senga klub kalitlarini topshirmoqchiman”, dedi.
Buni eshitganimda… Albatta, men Chelseani yaxshi ko'raman, lekin shartnomamning so'nggi yili qolgandi, 32 yoshda edim. O'yladimki: Londonda yana uch yil, oilam bilan shu yerda qolaman — ularga London juda yoqadi. Va natijada o'tishga qaror qildim.
Rostini aytsam, qolishim kerak edi. Lekin o'sha paytda Arsenalga o'tish — balki eng yaxshi qarordir deb o'ylagandim. Men uch yillik shartnoma imzoladim, ammo hammasi omadsiz chiqdi».
Noni Madueke futbolchi hayotidagi sovrinlar va dunyoviy boyliklarning asl ahamiyati haqida o'z fikrlari bilan o'rtoqlashdi.
🗣️ Noni Madueke: sovrinlar hayotdagi eng muhim narsa emas. Bu shunchaki dunyoviy narsalar.
Agar men bunga qanday qarashim haqida gapiradigan bo'lsam, shuni tushunaman: bir kuni butsalarni mixga ilaman. Va barcha bu sovrinlar... Hozir ular biz uchun juda ko'p narsani anglatadi, biz intilayotgan narsa shu. Lekin ayni paytda tushunaman-ki, yakunda bularning barchasi hech narsani anglatmaydi. Shuning uchun narsalarga aynan shunday qarashga harakat qilaman.
Mana shu, birodar, asl mohiyat nimada ekanligini anglatadi. Agar bu yerdagi maqsadingiz haqida gapiradigan bo'lsak, barcha bu sovrinlar, mukofotlar, pullar va qolgan hamma narsa... odamlar quvayotgan barcha dunyoviy narsalar...
Men ishonamanki, yo'lingiz oxirida, birodar, siz Yaratganingiz bilan uchrashasiz. Va U sizdan: "Mening Shohligim uchun nima qilding?" deb so'raydi. U axir: "Necha marta o'yinning eng yaxshi futbolchisi bo'lding?" deb so'ramaydi-ku. U: "Men senga gapirganimda, Meni eshitdingmi? Mening Shohligim uchun yaxshi o'rnak bo'ldingmi?" deb so'raydi. Tushunyapsizmi? Shuning uchun men avvalo bularning barchasidan yuqoriroq narsaga qarashga harakat qilaman...
Antonio Konte «Tottenxem»dagi faoliyati va klubdagi muhit haqida gapirdi. Murabbiy jamoaning mentaliteti va «Arsenal» bilan bog'liq hazillar haqida fikr bildirdi.
Antonio Konte «Tottenxem»dagi o'z faoliyati haqida The Athletic nashriga bergan intervyusida so'zlab berdi:
Dastlab Konte «Tottenxem»ni boshqarish taklifini rad etgan (uning dastlabki instinktlari to'g'ri bo'lib chiqqan), ammo klubdagilar unga qo'ng'iroq qilishdan to'xtashmagan. Nihoyat, yozda tayinlangan Nunu Eshpiritu Santu 2021-yilning noyabrida ishdan bo'shatilgach, Konte o'z shubhalariga qaramay, mavsumoldi tayyorgarliksiz va to'liq transfer oynasisiz ushbu ishni qabul qilishga qaror qildi.
«Men «Tottenxem»ga vaziyatni biroz o'zgartirish ambitsiyasi bilan kelgandim, — deb eslaydi Konte. — Qisman u yerda «Yuventus»dagi sobiq hamkasbim Fabio Paratichi bo'lgani uchun. Men kelganimda ular to'qqizinchi o'rinda edi. Biz mavsumni to'rtinchi o'rinda yakunladik va «Arsenal»ni ortda qoldirdik».
Konte kelganidan keyingi olti oy ichida «Shporlar» qolgan jamoalar orasida eng yaxshilaridan biri bo'lishdi. Ulardan yuqorida faqat APL gigantlari turardi, ammo «Tottenxem» hatto ular bilan ham natijalarga erishdi: safarda «Manchester Siti»ni 3:2 hisobida mag'lub etdi, «Enfild»da bo'lajak kumush medal sohibi «Liverpul» bilan 1:1 hisobida durang o'ynadi va mavsum yakunida Mikel Arteta «Arsenal»iga 3:0 hisobida g'alaba qozonib, og'riqli zarba berdi.
Keyingi dushanba kuni «Arsenal» «Nyukasl»ga mag'lub bo'ldi va «Tottenxem» Maurisio Pochettino ketganidan keyin ilk bor Chempionlar ligasiga yo'llanma oldi. O'shandan beri «Shporlar» chempionatdagi yakuniy o'rin orqali u yerga qayta olishmadi.
Konte «Tottenxem»da birorta ham to'liq mavsum o'tkazmadi. Ikkinchi mavsumda Paratichi diskvalifikatsiya qilindi, birinchi jamoaning jismoniy tayyorgarlik bo'yicha murabbiyi Jan Pero Ventrone vafot etdi, Konte esa kasal bo'lib qoldi. Bundan tashqari, Konte klub bilan mos emasligini tushunib yetdi.
«Esimda, biz yutqazgan yoki durang o'ynagan paytlarimizda Deniel Leviga xabar yozardim. U menga: «Xavotir olma, keyingisini yutamiz», deb javob berardi. Bu qo'llab-quvvatlash sifatida aytilgandi. Ammo men uchun bu ko'p narsani anglatardi. Men unga tinmay: «Siz umuman...? Qarang!» derdim».
Konteda ochko yo'qotishlar ahamiyatsiz bo'lmasa-da, hech bo'lmaganda yo'l qo'ysa bo'ladigan narsa sifatida qabul qilinadi degan taassurot qoldi. O'yinchilar ham buni ong ostida qabul qilishardi. Baliq boshidan sasiydi.
«Futbolchilar har doim eng oson variantni tanlashadi, — deydi Konte. — Bu ularga o'zlarini yaxshi his qilish imkonini beradi va kamroq kuch sarflashni talab qiladi».
Mart oyida Konte o'yinchilarning muammolari va «Tottenxem» ichidagi madaniyat haqida ochiq gapirish kerakligini his qildi. Bu uning klub bosh murabbiyi sifatidagi so'nggi matbuot anjumani bo'ldi. Jamoa o'yin tugashiga 16 daqiqa qolganida 3:1 hisobidagi ustunlikni boy berib, jon saqlash zonasidagi «Sautgempton» bilan durang o'ynadi.
«Meni eng ko'p aqldan ozdirgan narsa atrofimdagi odamlarning: «Tottenxem» hech qachon hech narsa yutmaydi», «Ular omadsizlar» deyishlari edi».
Konte fikricha, klubga aloqador barcha odamlar buni eng dahshatli haqorat sifatida qabul qilishlari kerak edi.
«Ularni masxara qilishardi. Hozir ham masxara qilishmoqda. Hatto hozir ham. «Arsenal» «Brayton»ga 0:3 hisobida yutqazdi (xalqaro tanaffusdan oldingi so'nggi o'yinda) va muxlislar: «Arsenal» «Tottenxem»ga aylanib qoldi», deb hazil qilishdi, tushunyapsizmi? Ishoning, bu meni juda g'azablantirdi».
«Tottenxem» Konte faoliyatining so'nggi 20 yili ichida «Atalanta» bilan bir qatorda istisno bo'ldi. Qolgan barcha klublarda u muvaffaqiyatga erishgan.
Harri Keyn «Arsenal»ga qarshi o'yinlar va «Bavariya» safidagi his-tuyg'ulari haqida gapirdi.
🎙️ Harri Keyn «Arsenal»ga qarshi o'yinlar haqida:
«Bilmayman, nazarimda, OAV bunday o'yinlar oldidan bu voqeani men uchun ahamiyatli bo'lganidan ko'ra ko'proq bo'rttirib yuboradi. «Arsenal» — kuchli jamoa va bu yillar davomida ular bilan ko'plab ajoyib qarama-qarshiliklarim bo'lgan.
Albatta, hozir «Bavariya»da o'ynayotganimda, «Tottenxem»dagi davrimga qaraganda his-tuyg'ular biroz boshqacha. Butun bu o'tmishni butunlay e'tiborsiz qoldira olmayman, albatta, lekin «Bavariya» safida ham «Arsenal»ga qarshi bir necha bor o'ynadim. Men uchun eng muhimi — o'z ishimni bajarish va g'alaba qozonish», — deydi futbolchi.
Mikel Arteta Premer-ligadagi g'alaba uning mentalitetini qanday o'zgartirgani va jamoa kelgusi maqsadlari haqida gapirdi.
🗣️ Mikel Arteta Premer-ligadagi g'alaba uning mentalitetini qanday o'zgartirgani haqida:
«Ha, men ko'proq narsani istayman. Bu ajoyib tuyg'u edi. Bu shimoliy London ko'chalarida muxlislarimiz bilan birgalikda boshdan kechirgan noyob lahza edi va biz, albatta, buni takrorlashni istaymiz».
Tomas Tuxel Konsaning mashg'ulotlarga qaytgani va uning navbatdagi o'yinda ishtirok etishi mumkinligi haqida gapirdi.
🗣️ Tomas Tuxel:
Konsa qaytdi va bugun mashg'ulotlarda to'liq ishtirok etdi. Biz uning o'yinida maydonga tushishiga umid qilamiz, chunki u biz uchun muhim o'yinchi.
Harri Keyn «Arsenal» bilan raqobati haqida fikr bildirib, OAV bu voqeani bo'rttirib yuborayotganini ta'kidladi.
Harri Keyn matbuot uning «Arsenal» bilan raqobatini haddan tashqari bo'rttirib yuborayotganini, biroq «kontekst» baribir saqlanib qolayotganini ta'kidladi:
Bilmayman, OAV bu voqeani [Chempionlar ligasidagi] o'yin oldidan aslida boridan ko'ra ko'proq bo'rttirib yubormoqda.
«Arsenal» — kuchli jamoa va bu yillar davomida ular bilan ko'plab ajoyib qarama-qarshiliklarim bo'lgan.
Albatta, «Bavariya» bilan vaziyat o'sha «Tottenxem» davridagidan biroz boshqacha. Shubhasiz, men bu kontekstni butunlay e'tiborsiz qoldira olmayman, lekin «Bavariya» safida ham «Arsenal»ga qarshi bir necha bor o'ynaganman. Men uchun eng muhimi — o'z ishimni bajarish va g'alaba qozonish.
Tyerri Anri Mikel Artetaning Arsenalda qilgan ishlarini va jamoaning o'yin uslubi borasidagi tanqidlarga munosabatini bildirdi.
Tyerri Anri Mikel Arteta va Arsenal haqida:
Mikelga jamoani chinakamiga raqobatbardosh qilish uchun taxminan uch yarim — to'rt yil kerak bo'ldi. Jamoa yaratish oson emas, lekin rahbariyat unga ishondi, vaqt berdi va u yaxshi murabbiy ekanligini ko'rsatdi. Ilgari biz haqimizda biz yetarlicha jangovar emasmiz, raqiblar shunchaki ustimizdan bosib o'tishi, xohlaganini qilishi mumkin, deyishardi. Ha, biz futbol o'ynardik, lekin aynan shu narsa Arsenal kontekstida doimiy muhokama qilinardi.
Bir nuqtada sen Liverpul va Manchester Sitini ortda qoldirishing kerak. Shuning uchun Arteta ishlamoqda, Sitidan ustun kelish yo'lini izlamoqda. Va to'satdan biz qattiqqo'l jamoaga aylandik, biz ustunlik qilamiz, bizga qarshi vaziyat yaratish qiyin, bizni endi shunchaki yanchib tashlay olishmaydi. Lekin endi biz yetarlicha chiroyli o'ynamayapmiz, deyishmoqda.
Tyerri Anri Arsenal yondashuvi haqida:
Men uchun eng muhimi shundaki, jamoa juda uzoq vaqtdan beri chempionatni yuta olmayapti. Shuning uchun bir nuqtada shunchaki uni nihoyat yutish yo'lini topish kerak.
Eshiting, bu bahslar nima uchun ketayotganini tushunaman. Gap bunda emas. Lekin biz aynan shunday o'ynashimiz, bu bizning uslubimiz va profilimiz ekanligi tushunarli bo'lgach, keling, doimiy ravishda bir xil savolni berishni to'xtataylik.
Mendan doim Chempionlar ligasi finalidagi yondashuvimiz meni ajablantirdimi, deb so'rashardi. Men javob berardim: “Yo'q”. Ular butun mavsum davomida shunday o'ynashdi. Balki har bir o'yinda emasdir, lekin bunday darajadagi jamoalarga qarshi — aniq shunday.
Ispaniya terma jamoasi bosh murabbiyi Luis de la Fuente Martin Subimendining jarohati borasidagi xavotirlarga oydinlik kiritdi.
Luis de la Fuente Martin Subimendi haqida:
«Bir lahza xavotirga tushgandim: u qo'li bilan oyog'ining orqa qismini ushlab oldi. Ammo keyin boshini chayqab, jarohat yo'qligini bildirdi.
Maydonni tark etganida, u menga oxirgi paytlarda ko'p o'yin o'tkazgani va boldir mushaklarida biroz toliqish his qilganini aytdi».
Madridning "Real" klubi sobiq darvozaboni Santyago Kanyisares jamoaga Martin Subimendi tipidagi futbolchi kerakligini ta'kidladi.
S. Kanyisares ("Madrid" sobiq darvozaboni): "Real Madrid"ga Subimendi kabi o'yinchi kerak. Hozirgi futbolda bunday yarim himoyachilar deyarli darvozabon kabi muhim ahamiyatga ega".
Eslatib o'tamiz, OAV xabarlariga ko'ra, "qaymoqranglilar" yanvar oyida "Arsenal"ning 27 yoshli yarim himoyachisini tarkibga qo'shib olishga urinib ko'rishi mumkin.
Tomas Tuxel Ezri Konsaning jismoniy holati va uning bo'lajak o'yinga tayyorgarligi haqida fikr bildirdi.
🎙️ Tomas Tuxel Ezri Konsaning jismoniy holati haqida:
«Biz barcha, jumladan Ezri Konsaning ham o'yinga tayyor bo'lishi uchun qo'limizdan kelganini qilamiz. Umid qilamanki, u tayyor bo'ladi».
Arsen Venger "Manchester Siti" atrofidagi vaziyat va sportdagi qoidalar haqida o'z fikrlari bilan o'rtoqlashdi.
Arsen Venger "Manchester Siti" barcha ayblovlar bo'yicha aybdor deb topilishi mumkinligi haqida gapirdi:
Sport – bu qoidalarga rioya qilgan holda g'alaba qozonishdir. Agar qoidalarga hurmat bo'lmasa, bu haqiqiy sport emas.
Viktor Dyokeresh o'ziga qaratilgan tanqidlar hamda Mikel Arteta bilan bo'lgan munosabatlari haqida fikr bildirdi.
🎙️ Viktor Dyokeresh — o'z manziliga aytilayotgan tanqidlar haqida:
«Agar tanqidlar ko'p bo'lsa va siz ularni o'qisangiz, tabiiyki, bu sizga ta'sir qiladi. Lekin men buni qilmayman. Yaxshi o'ynaganingizda sizni maqtashadi, hujumchi sifatida gol urmay qolganingizda va kutilganidek o'ynamaganingizda esa tanqid qilishadi. Barcha futbolchilar bilan shunday bo'ladi. Ko'tarilishlar va pasayishlar bo'lib turadi — bu normal holat»
🎙️ Viktor Dyokeresh — «Arsenal»da o'z o'yinini kuchaytirishi kerakligi haqida:
«Albatta, men yaxshiroq o'ynashim kerak va buni o'zim ham xohlayman, shuning uchun bu yerda hech qanday muammo yo'q. Mikel Arteta bilan yaxshi munosabatdaman va u bilan aloqamiz joyida. Men shunchaki har safar imkoniyat berilganda borimni berishga va gollar urishga harakat qilyapman».
Fikr qoldirish va reaksiya uchun tizimga kiring.