#Bruno Gimaraes — yangiliklari

🗣 Bruno Gimaraes:

«Men yangi chaqiruvga muhtoj ekanimni his qildim va bu qadamni tashlashga tayyor edim. Hozir faoliyatim «Arsenal»da yaxshi boshlandi. Bu men o'z zimmamga olishni juda istagan yangi mas'uliyat. O'zingiz o'rganib qolgan klubdan yangi jamoaga o'tish vaqt va moslashishni talab qiladi, lekin hammasi yaxshi ketayotganiga ishonchim komil. Men juda baxtliman va yangi chaqiruvlarga katta ishtiyoq bilan qarayapman. «Arsenal»ga yaqinda keldim va hozir butunlay klubga diqqatimni qaratganman. Men chempion bo'lishni, o'ynashni va ushbu yangi libosda o'z tariximni yozishni istayman».

Bruno Gimaraes «Arsenal» muxlislaridan uzr so'radi:

Biz o'z xatolarimizdan saboq olishimiz kerak. Bu libosda [bunday tarzda] o'ynash qabul qilib bo'lmas holat, bu biz intilayotgan daraja emas. Biz buni unutib, yaxshilanishimiz kerak, muxlislardan uzr so'rashimiz lozim, chunki bu yetarlicha yaxshi emasdi.

Arsenalning bugungi o'yin uchun tarkibi:

Bruno Gimaraes asosiy tarkibda!

Yurrien Timber va Brunu Gimaraish «Napoli»ga qarshi o'yin oldidan jamoa bilan to'liq mashg'ulot o'tkazdi!

🗣️ Bruno Gimaraes:

«Juda kuchli jamoa bilan ishlash ajoyib. Bu jamoada o'ziga xos va haqiqatan ham ta'sirli narsa bor. Biz jismonan kuchlimiz, ham himoyada, ham hujumda yaxshimiz. Menga shunday tuyulyaptiki, bu mavsumda o'tgan yilgiga qaraganda yaxshiroq o'ynayapmiz. Maqsad ham aynan shunda — har yili kuchayib borish.

Arteta bizga aynan shu xabarni yetkazmoqchi. U bilan bo'lgan ilk suhbatdanoq uning doimiy rivojlanish va mukammallikka intilishga qanchalik berilganini payqadim. Jamoa juda yaxshi o'ynayapti deb hisoblayman. Va bu hali boshlanishi — oldinda hali ko'p narsalar bor».

Arsenalning 2026-yil yozgi transferlar oynasidagi faoliyati:

✅ KELGANLAR:

🔸 Bruno Gimaraes — 75 million funt
🔸 Ezri Konsa — 51 million funt
🔸 Pyero Inkapye — 34 million funt
🔸 Xristos Tsolis — 34 million funt
🔸 Illan Melye — tekinga

❌ KETGANLAR:

🔸 Leandro Trossar — 15 million funt
🔸 Yakub Kivior — 15 million funt
🔸 Gabriel Jezus — 9 million funt
🔸 Fabiu Vieyra — 8 million funt
🔸 Kristian Norgor — 7 million funt
🔸 Karl Xeyn — 3 million funt
🔸 Itan Nvaneri — ijara
🔸 Tommi Setford — ijara

💸 Sarflandi: 194 million funt
💰 Sotuvlar: 57 million funt
📊 Sof xarajatlar: 137 million funt

Martinelli hali rasman tanishtirilmagan.

"Arsenal" ichida yozgi transfer oynasi yakunlaridan mamnunlar.

Klubda Gimarays va Konsani Premer-ligada toblangan, yarim himoya hamda himoyani sezilarli darajada kuchaytirgan futbolchilar deb hisoblashmoqda. Tsolis esa iyul oyida kelganidan beri yaxshi taassurot qoldirdi. Kech amalga oshirilgan bir qator sotuvlar esa "Arsenal"ga yanvar va kelgusi transfer oynalari uchun moliyaviy erkinlik taqdim etdi.

Ammo hujum chizig'idagi vaziyat butunlay boshqacha.

Martinelli, Trossard va Jezus o'tgan mavsumda jami 130 ta o'yin o'tkazishdi. Bundan tashqari, Itan Nvaneri Dortmundning "Borussiya" klubiga ijaraga ketdi — garchi uni yanvarda qaytarib olish imkoniyati bo'lsa ham. Ushbu futbolchilarning o'rniga "Arsenal" atigi bitta hujumkor o'yinchi sotib oldi. Qog'ozda hujum chizig'i o'tgan mavsumdagidan kuchsizroq ko'rinmoqda. Amalda esa hammasi boshqacha bo'lishi mumkin.

"Arsenal"da Eberechi Eze va Noni Madueke chap qanotda samarali o'ynay olishiga umid qilishmoqda. Agar Kay Haverts, Bukayo Saka va Martin Edegor sog'lom qola olsa, jamoa o'zini bir yil avvalgidan ko'ra ancha kuchli his qilishi mumkin. Ammo ushbu futbolchilarning jarohatlar tarixi noaniqligini hisobga olsak, bu juda katta "agar" degani.

Konsa himoya uchun o'ziga xos sug'urta vazifasini o'tadi. Hujum uchun esa "Arsenal" bunday sug'urtani xarid qilmadi. Bu yoz klubga Angliya chempioni va Yevropaning eng kuchli jamoalaridan biri maqomida, kuchli pozitsiyadan turib transfer kampaniyasini olib borish uchun noyob imkoniyat bergan edi. "Arsenal" bozorga jamoa qiyofasini o'zgartira oladigan hujumkor futbolchi izlab chiqdi. Ammo yakunda klub ham xohlagan, ham sotib olishga qurbi yetadigan o'yinchini topa olmadi.

Transfer oynasi yopilgandan so'ng, "Arsenal" ba'zi pozitsiyalarda kuchaydi, boshqalarida esa zaiflashdi, shuningdek, kelajak uchun ko'proq moliyaviy erkinlikka ega bo'ldi. Jamoa baribir Premer-ligada g'oliblik uchun asosiy favorit bo'lib qolmoqda. Ammo shu bilan birga, klub oldida ochilgan noyob imkoniyatdan to'liq foydalanilmagani haqidagi his ham saqlanib qolmoqda.

🚨 Sky Sports muxbiri Mikel Artetadan «Aston Villa»ga qarshi o'yin oldidan intervyu oldi:

Boshlovchi: «Mavsum boshlanishi juda ishonchli chiqdi, ammo siz har doim o'yinchilaringizdan ko'proq narsani talab qilishingizni bilamiz. So'nggi o'n kunlik mashg'ulotlar qanday o'tdi?»

Arteta: «Yaxshi. Biz yaxshi mashg'ulotlar siklini o'tkazdik, ba'zi jihatlar ustida ishladik va bu o'yinga munosib tayyorgarlik ko'rdik».

Boshlovchi: «Bruno Gimaraes va Ezri Konsa o'ynashga tayyor bo'lishiga qaramay, siz tarkibni o'zgartirmadingiz. Bu shunchaki g'alaba qozongan tarkibni o'zgartirishni istamasligingiz bilan bog'liqmi? Va bu ikki o'yinchini jamoaga qanday integratsiya qilmoqchisiz?»

Arteta: «O'yin davomida o'zgarishlar qilish imkoniyatimiz bo'ladi. Biz yaxshi o'ynadik va bugun maydonda raqibga muammo tug'dirish uchun kerakli sifatlarga ega futbolchilar bor deb hisoblayman. Shu sababli ham aynan shu tarkibni tanladik».

Boshlovchi: «Koventri»dan farqli o'laroq, «Aston Villa» sizga ancha yaxshi tanish bo'lgan jamoa, garchi ularda yangi yuzlar va ba'zi yangi o'yin elementlari paydo bo'lgan bo'lsa ham. Bu tayyorgarlikni biroz qiyinlashtirdimi?»

Arteta: «Ularda bir nechta yangi o'yinchilar bor, lekin umuman olganda jamoa Unai qo'l ostida ancha vaqtdan beri ishlamoqda. Biz ular bilan avval ham to'qnash kelganmiz. Bu ajoyib tayyorgarlik ko'rgan jamoa va biz bu yerga kelib g'alaba qozonish qanchalik qiyinligini juda yaxshi bilamiz. Biz buni tushunamiz, ammo ambitsiyalarimiz juda katta».

Boshlovchi: «Siz «Koventri»ga qarshi o'yinni juda agressiv boshladingiz va o'tgan hafta «Brayton» ham xuddi shunday usulda «Villa»ga muammo tug'dirganini ko'rdik. Bugun ilk daqiqalardan agressiv harakat qilish qanchalik muhim?»

Arteta: «Biz har doim shunday o'ynashni xohlaymiz — birinchi daqiqadan oxirgisigacha: ustunlik qilish, raqibni bo'g'ish va ulardan yaxshiroq bo'lish».

Boshlovchi: «Bugun «Arsenal» bosh murabbiyi sifatidagi Premer-ligadagi 250-o'yiningiz. Tabriklaymiz. Bu oqshom siz uchun alohida ahamiyatga egami?»

Arteta: «Shunchaki bugun g'alaba qozonish kerak. Eng yaxshisi shu bo'ladi».

Vinisius 7 o'yinlik golsiz seriyasiga chek qo'ydi — Madrid vingeri Avstraliya terma jamoasiga qarshi o'rtoqlik uchrashuvida penaltini aniq amalga oshirdi. 11 metrlik jarima zarbasini aynan Vinisiusning o'zi ishlab olgandi.

Anchelotti: "Vinisiusning hozirgi holati? Men uni juda yaxshi bilaman. U biz uchun fundamental o'yinchi va shunday bo'lib qoladi. Hozir Vinisius eng yaxshi formada emas, lekin hatto shunday holatda ham u maydonda hal qiluvchi rol o'ynashga qodir, xuddi bugungidek. Men Vinisiusga nisbatan juda sabrli bo'laman, chunki u bunga loyiq. Nega aynan Vinisius penaltini ijro etdi? O'sha vaqtga kelib Gimarays allaqachon gol urgandi, shuning uchun men Vinisius ham gol urish imkoniyatiga loyiq deb o'yladim".

Vinisius: "Gimarays — maydonda Rafinya bo'lmagan vaqtda bizning shtatdagi penaltichimiz. Shuning uchun men uni o'zi penaltini ijro etmoqchi deb o'ylagandim. Ammo u menga bu imkoniyatni taqdim etishga qaror qildi, chunki o'ziga bo'lgan ishonchni biroz tiklab olishim kerakligini biladi".

Bruno Gimaraes o'z kelajagi haqida:

Ha, men Braziliyaga qaytib, Vasko da Gama yoki Atletiko Paranaense safida o'ynashni istardim — bu klublardan juda minnatdorman.

Ammo, rostini aytsam, hozir bu haqda o'ylayotganim yo'q. Men yaqindagina Arsenalga o'tdim, shuning uchun bor e'tiborimni shu jamoaga qaratganman.

🎙️ Pol Merson — Brunu Gimaraysning «Brayton»ga qarshi o'yini haqida:

«Tanaffusda men uni almashtirish kerakligini aytdim. Yakunda u maydonda yana o'n daqiqacha qoldi. U uchun hamma narsa juda tez sodir bo'layotgandi — Brayton uni darhol yopib qo'ydi.

Qanchalik kuchli bo'lishingdan qat'i nazar, menga baribir. Agar senga bosh ko'tarishga imkon berishmasa, doimiy ravishda pressing qilib, bosim ostida ishlashga majbur qilishsa, sinflar o'rtasidagi farq yo'qola boshlaydi. Brayton aynan shuni amalga oshirdi. Ular umuman hech kimga to'p bilan ishlashga vaqt berishmadi — bosh ko'tarib, xotirjam pas berishga yo'l qo'yishmadi. Brayton ajoyib o'ynadi. Va o'sha vaqtda men Arsenal qanday qilib o'yinga qaytishi mumkinligini umuman tasavvur qilolmayotgandim».

Bugun «Arsenal» «Sanderlend»ga qarshi o'yinda Ezri Konsa epizodidan so'ng belgilangan penalti bo'yicha Xovard Uebb va Pro Ref bilan bog'lanadi, garchi vaziyat Den Ballard tomonidan amalga oshirilgan dzyudo usuliga ko'proq o'xshash bo'lsa ham.

Yakunda bu qaror natijaga ta'sir qilmadi: Devid Raya Enso Le Fening penaltisini qoyilmaqom tarzda qaytardi, Bruno Gimarays va Bukayo Saka esa gol urib, «Arsenal»ga g'alaba keltirdi.

Qiziq, «Arsenal» Uebb bilan suhbatda Manchester derbisidagi bahsli golni eslatib o'tarmikanmikan. Agar chempionlik poygasi nuqtai nazaridan qaraydigan bo'lsak, aynan o'sha qaror «Arsenal»ga dam olish kunlari ushbu «dzyudo-uloqtirish»dan ko'ra ko'proq zarar keltirgan bo'lishi mumkin.

Yurrien Timber to'liq mashg'ulotlarga qaytdi.

Brunu Gimaraes ham mashg'ulotda ko'rinish berdi.

⚽️ The Athletic xabariga ko'ra, ayrim manbalar klub o'tgan mavsum yakunida sovrinlar uchun kurashga haddan tashqari e'tibor qaratgani sababli, yozgi transfer oynasiga tayyorgarlik kutilganidan kamroq kompleks bo'lgan deb hisoblaydi.

Andrea Bertaning muzokaralar olib borish uslubi boshqa klublar tomonidan tanqidga uchradi. Ba'zida u to'g'ridan-to'g'ri muzokaralar o'rniga bitimlarning umumiy tuzilmasini vositachilar va agentlar orqali muhokama qilishni ma'qul ko'rdi. Ayrim klublar «Arsenal»ning bir qator bitimlarda, jumladan Jeremi Mongi va Brunu Gimaraish bo'yicha muzokaralarda «asosiy eshikdan» kirmaganidan hayron qolishdi. Shu bilan birga, tanlangan uslubga qaramay, yakunda «Arsenal» Gimaraish va Konsu uchun dastlab rejalashtirganidan ko'proq mablag' sarfladi.

Bertaning o'zi vaqti-vaqti bilan «Arsenal» ichidagi byurokratiyadan norozi bo'ldi: ilgari tezda qabul qilinishi mumkin bo'lgan qarorlar endilikda klub oldinga harakatlanishi uchun bir nechta uchrashuvlarni talab qilardi.

⚡️ Ezri Konsa va Bruno Gimaraish — ikkalasi ham «Aston Villa»ga o'tishga tayyor.