Atletiko Madrid Xulian Alvaresning transferi bo'yicha bayonot berdi

⚽️ Atletiko klubining matbuot uchun bayonoti:

Atletiko direktorlar kengashi a'zolari klubning Xulian Alvaresni Barselonaga transfer qilish bo'yicha muzokaralar olib bormaslik qarorini bir ovozdan qo'llab-quvvatladi.

Atletiko Madrid transfer bozoriga xos bo'lgan muzokaralarga ochiq, ammo bu har doim axloqiy va professional shaklda hamda klublar o'rtasidagi hurmat asosida bo'lishi kerak. Biz klub tomonidan ilgari e'lon qilingan pozitsiyani to'liq qo'llab-quvvatlaymiz, unga ko'ra, Barselona ushbu talablarni bajarmadi va shu sababli Xulian Alvaresning transferi bo'yicha ular bilan hech qanday muzokaralar o'tkazilmadi va o'tkazilmaydi.

Atletiko o'yinchi bu qarorni tushunishiga va bor kuchini ishga solib, ikki mavsum davomida bizning ranglarimizni himoya qilganidek, klubga o'z maqsadlariga erishishda yordam berishiga ishonchi komil.