Rimda xorijiy OAV vakillari bilan bo'lib o'tgan matbuot anjumanida Aurelio De Laurentis ko'plab mavzularga to'xtalib o'tdi.
🔘Klubning yangi stadioni haqida:
«Bir oy oldin men Q8 kompaniyasi bilan niyatlar bayonnomasini imzoladim: Sharqiy Neapolda 38 gektar maydon topdik, u yerda 70 000 o'rinli, 120 ta VIP-loja, shuningdek, restoranlar va interaktiv muzeyga ega stadion loyihalashtirdim... Yengil atletika yo'lakchalarisiz, hech kimdan hech narsa so'ramasdan, to'liq o'zim moliyalashtiradigan stadion.»
🔘Klubning mashg'ulot markazi haqida:
«Kvalianoda 17 yarim gektar maydon topdik: u yerda o'nta futbol maydoni hamda asosiy jamoa uchun mo'ljallangan 7500 kvadrat metr ofis va kiyinish xonalari quramiz, u yerda butun yoshlar sektori ham joylashadi.»
🔘O'yinchilarga tushayotgan ortiqcha yuklama haqida:
«1986 yilda A Seriyada 16 ta jamoa bor edi... Yevropa musobaqalari bilan birga mavsumiga taxminan 35 ta o'yin o'tkazardik, hozir esa deyarli 80 ta. Xo'sh, o'yinchilar bu musobaqaviy, jismoniy va ruhiy yuklamani ko'tarishga jismonan va ruhan tayyormi?»
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!