Barcelona «Negreyra ishi» bo'yicha UEFA bayonotiga izoh berdi

«Barselona» matbuotda «Negreyra ishi» bo'yicha UEFA tergovi qayta boshlangani haqida tarqalgan xabarlar yuzasidan quyidagilarni ma'lum qiladi:

UEFA «Barselona»ga nisbatan hech qanday yangi ish qo'zg'atmagan. Tergov 2023-yilda boshlangan bo'lib, o'shandan beri tayinlangan ikki tergovchi o'zlariga zarur deb topilgan choralarni ko'rib kelmoqda. Klub har doim barcha talablarni bajarib kelgan. Bu ish qayta boshlangani yo'q, chunki u hech qachon yopilmagan.

UEFA bayonotida «Real» tomonidan yuborilgan hujjatlar qabul qilib olingani tasdiqlanadi va tergovchilar ularni allaqachon davom etayotgan tergov doirasida ko'rib chiqishi qayd etilgan. Ushbu matnda ikki marta «olib borilayotgan» tergov va tekshiruv haqida so'z boradi. Shu tariqa, unda na ish qo'zg'atilgani, na qayta boshlangani e'lon qilinmagan, shuningdek, taqdim etilgan hujjatlarning mazmuni yoki ahamiyati bo'yicha hech qanday bayonot berilmagan.

Tergovchilar ushbu hujjatlar yuzasidan qanday choralar ko'rishni belgilash ularning vakolatiga kiradi. Bugungi kunga qadar «Barselona» manziliga hech qanday yangi so'rov kelib tushmagan va «Real»ning shikoyati klubga taqdim etilmagan. Bu sodir bo'lganda, klub shu paytgacha bo'lgani kabi o'z vaqtida munosabat bildiradi.

Amaldagi qonunchilikka ko'ra, mazkur ish Ispaniyada olib borilayotgan jinoiy ish doirasida qabul qilinadigan qarorga bog'liq va uning doirasida qoladi.

Tergov boshlanganidan buyon «Barselona» hech qanday cheklovlarsiz UEFA litsenziyasini olishda va uning musobaqalarida ishtirok etishda davom etmoqda.

«Barselona» vakolatli organlar bilan to'liq hamkorlik qilishini yana bir bor tasdiqlaydi hamda OAVdan ushbu jarayonni yoritishda aniqlik va xolislikka rioya qilishni so'raydi. ❤️