Brunu Fernandesh: «Yuri bilan birga o'ynashdan xursandman»

🗣️ Brunu Fernandesh yangi mavsum oldidan Karrington bazasiga qaytishi haqida:

Karringtonga qaytish xuddi uyga qaytishdek gap. Bu yerdagi insonlar bilan shunchalik ko'p vaqt o'tkazasan-ki, bir necha haftalik tanaffusdan keyin ularni chin dildan sog'ina boshlaysan.

Ilk ko'rgan odamlarimdan biri Yuri bo'ldi. Unga qarab shunday dedim: «Men seni yillar davomida kuzatib kelganman... Umid qilamanki, ishimning bir qismini tortib olganingni tushunib turibsan».

U menga qarab kuldi va javob berdi: «Men aynan shu maqsadda kelganman. Sen oldinda vaziyatlar yaratasan... men esa ortdan yordam beraman. Biz bir-birimizning ishimizni yengillashtiramiz».

Men tabassum qildim va unga aytdim: «Maykl qo'l ostida o'ynash senga yoqadi. Uning jamoasida yarim himoyachilarga doim qulay bo'ladi. Nega bilasanmi? Chunki murabbiy bo'lishidan avval u ham biz kabi futbolchi bo'lgan. Ba'zida u biz o'zimiz ko'rmagan narsalarni payqaydi.

Murabbiying yarim himoyachi kabi fikrlasa, futbolga boshqacha ko'z bilan qaray boshlaysan». U kulib yubordi. Men esa unga shunday dedim: «Menga ishon... agar yarim himoyachi sifatida o'z imkoniyatlaringni maksimal darajada ochmoqchi bo'lsang, to'g'ri klubga kelding».