Budash: «Lion»ga o'tishim aniq bo'lganida, boshqa klublar ahamiyatsiz edi»

Siz bir daqiqa ham «Lion» bilan professional shartnoma imzolashda ikkilanmadingizmi?

🎙️ Budash: «Yo'q. «Lion» menga qiziqayotganini va muzokaralar ketayotganini bilganimda, men uchun hamma narsa aniq edi: men «Lion»ga, o'z salohiyatimni ochib bera oladigan klubga o'tishni xohladim. Boshqa barcha klublar endi ahamiyatga ega emasdi, «Nitssa» esa biroz kechroq paydo bo'ldi.

«Lion» bilan dastlabki aloqalar fevral oyida «Gruama Stedium»da «Nitssa»ga qarshi o'yindan (2:0) keyin bo'ldi. Eli Vai 6-daqiqadayoq jarohat oldi va murabbiy menga: «Sen tushasan», dedi. Men ko'p o'yin vaqti oldim, garchi buni umuman kutmagan bo'lsam-da. Qolaversa, stadionda oilam bor edi.

Men darhol o'yinga kirishib ketishim kerak edi va o'sha kuni ancha yaxshi o'yin o'tkazganimni his qildim. Hammasi ideal tarzda shakllandi, bu o'zgacha narsa edi».

Siz «Sent-Etyen» darvozasiga pley-off bahslarida (0:0, 4:1) gol urib, «Nitssa»ga o'tishga uzil-kesil qaror qildingizmi? Bu lahza siz uchun ayniqsa yoqimli bo'ldimi?

🎙️ Budash: «Bu o'yinga qadar men «Lion» bilan shartnoma imzolashimni allaqachon bilardim. Shuning uchun «yashillar»ga qarshi gol urish men uchun ayniqsa muhim edi. O'sha oqshom men ko'plab xabarlar oldim (kuladi)!»