Denzel Dumfries: "Real" qiziqishi haqida "Inter" rahbariyatiga darhol aytganman"

Denzel Dumfris: "Men "Real" haqida mavsum yakunlangach, Jahon chempionati oldidan bilib qoldim. Agentim menga qo'ng'iroq qilib, "Real" u bilan bog'langanini aytdi. Men juda xursand bo'ldim va faxrlandim. Bu haqda darhol Pyeroga aytdim. U bilan va "Inter"dagi barcha bilan ajoyib munosabatda edim, shuning uchun ular buni darhol bilishlarini xohlardim.

"Ularning munosabati qanday bo'ldi? Ham Marotta, ham Auzilio yaxshi munosabat bildirishdi. Menimcha, ular ajoyib insonlar. Pyero bilan ko'p yillar davomida ko'p gaplashganman. Hatto shartnomamni uzaytirish masalasini muhokama qilishda ham biz doimo bir-birimizga nisbatan juda ochiq bo'lganmiz. Men o'z yoshimni, maqsadlarimni va faoliyatimni hisobga olganman. Biz doimo ochiq gaplashganmiz. Sport direktori bilan bunday munosabatda bo'lish men uchun juda muhim edi. Biz hammasini to'g'ri qildik, bu besh yil juda o'zgacha o'tdi".