Hansi Flik «Rasing»ga qarshi o'yin oldidan fikrlari bilan o'rtoqlashdi

🗣️ Xansi Flikning «Rasing»ga qarshi o'yin oldidan matbuot anjumani:

Terma jamoalar o'yinlari uchun tanaffus haqida:

«Klub uchun bu eng yaxshi vaziyat emas, lekin biz hech narsani o'zgartira olmaymiz. Uzoq davom etgan jahon chempionatidan so'ng xalqaro pauzalarni birlashtirish qarori qabul qilindi va biz buni qabul qilishimiz kerak. Milliy terma jamoalarni qo'llab-quvvatlaymiz».

2029-yilgi Chempionlar ligasi finalining «Kamp Nou»da o'tishi haqida:

«Bu klub uchun yaxshi yangilik. Stadion to'liq qurib bitkazilgach, u hayratlanarli bo'ladi. Albatta, Chempionlar ligasida g'alaba qozonish — bizning orzuimiz».

2029-yilda «Barselona»da bo'lish-bo'lmasligi haqida:

«Men 100% u yerda bo'laman — murabbiy yoki «Barsa» muxlisi sifatida (kuladi).

Ko'ramiz. Futbol juda dinamik, nima bo'lishini hech qachon bilmaysiz. Menga Barselonada yashash va bu fantastik jamoani boshqarish yoqadi».

Lamin Yamalning «Oltin to'p» haqidagi so'zlari haqida:

«Lamin samimiy va o'ziga ishongan yigit. Mavsum boshidayoq u qanchalik yaxshi ekanligini ko'rsatmoqda. U noyob futbolchi.

Men bu atrofda gap-so'zlar kamroq bo'lishini istardim, lekin u «Oltin to'p»ni yutmoqchi va bu tabiiy hol. U o'zi his qilgan narsani gapiradi va men, albatta, uni qo'llab-quvvatlayman».

«Oltin to'p» Laminni chalg'itishi mumkinmi degan savolga:

«Umid qilamanki, yo'q. Biz futbolga e'tibor qaratganmiz. Bugun sovrin yutib bo'lmaydi — faqat bugungi kunni yutish mumkin.

Biz har kuni qattiq ishlashimiz va o'zimizga bog'liq bo'lgan narsalarga diqqatni jamlashimiz kerak. Agar yakunda shaxsiy sovrinlar va jamoaviy yutuqlarni qo'lga kiritsangiz, demak, buni mehnatingiz bilan oqlagansiz. Men uchun jamoaviy sovrinlar hamma narsadan muhimroq».