Harvi Elliottning «Valensiya»dagi qiyin boshlanishi

Harvi Elliottning «omadi» haqida qisqacha – «Valensiya» butun murabbiylar shtabini, shuningdek, klub bosh direktori jamoasini ishdan bo'shatdi.

Harvining o'ziga ham ispan OAVlari tomonidan tanqidlar yog'ilmoqda – masalan, AS shunday deb yozadi:

«Jismonan u tayyor emas va bu yaqqol ko'rinib turibdi – u farqni yarata oladigan epizodlar bo'lmadi, vaholanki, uni aynan shu narsa uchun imzolashgandi».

Shu kabi fikrlarni boshqa bir qancha nashrlar ham yozdi, ammo ularni takrorlashdan ma'no yo'q.

Birinchi mashg'ulotdan so'ng Elliott moslashish qiyinligi va mavsumdagi maqsadi haqida gapirdi:

«Moslashish juda qiyin. Birinchi navbatda, bu yerda quyoshga o'rganish kerak. Bugun mening birinchi mashg'ulotimda issiq shunchaki aqldan ozdiradigan darajada edi.

Mening bu yilgi maqsadim – 10-20 ta samarali harakatni amalga oshirish».

5 turdan so'ng «Valensiya» hisobida 1 ochko va 10 ta o'tkazib yuborilgan gol evaziga atigi 1 ta urilgan gol bor. Harvi transferdan keyingi ikkala o'yinda ham zaxiradan maydonga tushib, taxminan 30 daqiqadan harakat qildi va hech qanday e'tiborga molik natija ko'rsatmadi.