Karlos Visens o'z murabbiylar shtabida kimlar nimalarga javobgar bo'lishini batafsil tushuntirib o'tdi:
«Men bilan birga Mario Engidanos keladi. U bosh murabbiy yordamchisi bo'ladi hamda bevosita o'yinlarga tayyorgarlik ko'rish va raqiblarni tahlil qilish bilan shug'ullanadi.
Shuningdek, shtabimizda Jordi Liye Fernandes ham bo'ladi, u kundalik mashg'ulotlar jarayoni metodologiyasi uchun javobgar hisoblanadi.
Bundan tashqari, biz bilan Lander Isa Garsiya ishlaydi. U o'yin rejasini ishlab chiqish hamda standart vaziyatlar ustida yaqindan ish olib boradi.
Va nihoyat, men bilan Ramiro Marin bo'ladi, u jismoniy tayyorgarlik bo'yicha murabbiyimiz. U klubning boshqa jismoniy tayyorgarlik bo'yicha mutaxassislari bilan hamkorlikda mashg'ulot haftalari va yuklamalarni rejalashtiradi».
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!