Kastelyon sudi «Vilyarreal» prezidentini oqladi

📰 El Mundo:

⚠️ Kastelyon sudi «Vilyarreal» FK prezidenti Fernando Roig va klub boshqaruvining ikki a'zosini hujjatlarni qalbakilashtirishda ayblanganlik bo'yicha oqladi. Ular 2024-yil iyul oyida ushbu ayblov bilan aybdor deb topilgandi. Ish 2004 va 2005-yillarda «La Keramika» stadionida olib borilgan qurilish ishlari uchun soxta hisob-fakturalardan foydalanish sxemasiga aloqador edi.

🟡 Sudyalar ayblanuvchilarning apellyatsiyasini qanoatlantirdi va ular uchinchi tomon kompaniyalari tomonidan amalga oshirilgan soxta hisob-fakturalar sxemasidan xabardor bo'lmagan degan xulosaga keldi.

♎️ 2024-yil iyul oyida Roig tijorat hujjatlarini qalbakilashtirish va davlat g'aznasiga nisbatan firibgarlik uchun 11 oy-u 28 kunlik qamoq jazosiga hukm qilingan edi (o'n nafar boshqa shaxs bilan birga); endilikda bu qaror bekor qilindi.

🔍 Avvalroq sud jami 525 440 yevro miqdoridagi soliq firibgarligi faktini aniqlagan edi (2004-moliya yili uchun 187 840 yevro va 2005-yil uchun 336 600 yevro).

⤴️ Sxema 2004-yilda 1 174 000 yevro va 2005-yilda 2 110 000 yevro miqdoridagi bo'rttirilgan hisoblar asosida kiruvchi QQSni noqonuniy hisobdan chiqarishdan iborat bo'lgan; ushbu harakatlarning maqsadi tegishli QQSni to'lashdan bo'yin tovlash edi.

🏟️ Sudyalar 2004 va 2005-yillarda «Vilyarreal» FK o'z sport majmuasi (Ciudad Deportiva) va «El Madrigal» stadionini (hozirgi «La Keramika») rekonstruksiya qilganini isbotlangan deb topdi.

«Vilyarreal» futbol klubi — «prezident Fernando Roig ma'qullashi hamda bosh direktorlar Manuel Sarrion Kamanyas va Migel Peres Ferrer imzosi bilan» — ECV qurilish firmasidan olingan hisob-fakturalarni ECVga o'tkaziladigan oddiy veksellar yordamida to'lagan; firma esa o'z navbatida Spain Gespro kompaniyasiga yangi veksellar chiqargan.

💶 Veksellar bo'yicha to'langan summalarni 2004-yilda 1,4 millionni tashkil etgan — «Spain GES-PROdan olingan soxta hisob-fakturalarga aniq mos holda» — va 2005-yilda 2,5 milliongacha ko'paygan.

Sud «Vilyarreal» o'z bosh direktorlari va prezidenti ma'qullashi bilan «ECVdan soxta hisob-fakturalarni qabul qilgan» degan xulosaga keldi, shu bilan birga klub hisob-fakturalarning haqiqatda bajarilgan ishlarga mos kelmasligidan xabardor bo'lganiga dalillar yo'qligini qayd etdi.

❌ Bundan tashqari, ayblanuvchilar «ECV va Spain GES-PRO rahbarlari tomonidan uchinchi bo'g'in subpudratchilari bilan birgalikda ishlab chiqilgan soxta hisob-fakturalar tizimi va sxemalari, shuningdek, 2004 va 2005-moliya yillarida to'lanmagan summalardan» xabardor bo'lmagan.

🔠 Sud qarorida «Vilyarreal» ECV tomonidan taqdim etilgan hisob-fakturalarda hisoblangan QQS bo'yicha soxta ma'lumotlar borligidan xabardor bo'lgani isbotlanmagani» ko'rsatilgan. Shuningdek, klub «ushbu hisob-fakturalardan (2004 va 2005-yillarga oid) tegishli moliya yillari uchun kiruvchi QQS qismida soliq imtiyozini olgani» ham isbotlanmagan.

✔️ Sud, shuningdek, sud jarayoni ayblanuvchilarga bog'liq bo'lmagan sabablarga ko'ra turli bosqichlarda kechikkanini ham inobatga oldi; voqealar 2004 va 2005-yillarga to'g'ri keladi, biroq tergov faqat 2009-yilda boshlangan. Ishning murakkabligiga qaramay, sud jarayon davomiyligini haddan tashqari ko'p deb topdi.