Kilian Mbappe PSJ va Real Madriddagi muhit hamda o'z faoliyati haqida gapirdi

💭 Kilian Mbappe PSJ haqida:

🖱️ "PSJ" va "Real" o'yinchilari o'rtasidagi ego darajasidagi farq haqida:

Bunday odamlar har qanday kiyim almashtirish xonasida bor — hatto yulduzlar bo'lmagan joyda ham. "Parij"dagi so'nggi yilimda, mendan tashqari yulduzlar yo'q edi. Usmon haqiqatan ham yulduzga keyinroq aylandi. Odamlar har doim egoni yulduzlar bilan bog'lashadi, lekin u ko'pchilikda bor, hatto biz ko'rmaydigan odamlarda ham — masalan, ofislardagi xodimlarda.

🖱️ U ketganidan keyin PSJning Chempionlar ligasidagi ikki g'alabasi haqida:

Ular g'alaba qozonishdi, buni ulardan tortib olib bo'lmaydi, ularni tabriklayman. Ular bu g'alabalarga o'zlari erishishdi. Ularga turnirda ketma-ket ikki marta g'alaba qozonish nasib etdi va bu ajoyib yutuq. Ular — hamma mag'lub etishga intiladigan jamoa. Biz, "Real" va boshqalar, ikki marta g'alaba qozongan jamoani taxtdan ag'darish niyati bilan kurashga kirishamiz. Luis Enrike qo'l ostidagi so'nggi mavsumimda biz yarim finalga chiqqandik. Ular uchun bu shunchaki yangi siklning boshlanishi edi.

🖱️ Nega boshqa klublarga o'tmagani haqida:

"PSJ"da bo'lganimda, Yevropaning istalgan klubiga o'tishim mumkin edi. Shunga qaramay, men har doim qoldim. U yerdagi yetti yilim davomida ular qancha takliflar olishganini so'rab ko'ring. Men qoldim, chunki "Parij"da baxtli edim.