Kotrina Kulbite: Musobaqadan chiqib ketganimizdan xafamiz

Kotrina Kulbite (O'zbekiston milliy terma jamoasi bosh murabbiyi) 🎙

Natijadan, albatta, xafamiz. Chunki asosiy maqsadimiz musobaqadagi ishtirokimizni davom ettirish edi. Shunga qaramay, bugungi o‘yin jamoamiz ancha yuqori darajada raqobat qila olishini ko‘rsatdi. Ayniqsa, bizga qarshi yaxshi natijalarga ega bo‘lgan kuchli raqibga qarshi munosib o‘yin namoyish etdik.

Men uchun eng ijobiy jihat futbolchilarimizning xarakteri bo‘ldi. O‘yinni ishonch bilan boshladik, qiyin vaziyatlarda ham o‘zimizni yo‘qotmadik. Tanaffusdan keyin kerakli o‘zgarishlarni amalga oshirdik va jamoaning bunga munosabati juda yaxshi bo‘ldi. Hisobni 4:3 ko‘rinishiga keltira olganimiz jamoada qanday xarakter va ishonch borligini ko‘rsatadi.

Hisob 5:3 bo‘lganidan keyin tavakkal qilishimizga to‘g‘ri keldi. Chunki hisobni tenglashtirish uchun oldinga ko‘proq futbolchilar bilan borishimiz kerak edi. Biz o‘zimiz istagan vaziyatlarni yarata oldik, ammo bunday tavakkalchilik paytida himoyada ham to‘g‘ri harakat qilish kerakligini yaxshi tushunamiz.

Olti gol o‘tkazib yuborish — juda ko‘p. Buni tan olishimiz kerak. Agar shu darajadagi raqiblarga qarshi muntazam raqobat qilishni istasak, himoyadagi harakatlarimiz, intizom va barqarorlik ustida yana ko‘p ishlashimiz lozim.

Musobaqani tark etayotganimizdan xafamiz, ammo futbolchilarimizning xarakteri va o‘yin davomida ko‘rsatgan reaksiyasidan faxrlanaman. Bu uchrashuv bizga katta tajriba berdi va, eng muhimi, to‘g‘ri yo‘nalishda harakat qilayotganimizni ko‘rsatdi. Ushbu musobaqadan kerakli xulosalarni chiqarib, ishlashda davom etamiz.