La Repubblica: «Napoli»ni sotib olish bo'yicha muzokaralar davom etmoqda
Forza Napoli ↗ ●●●●○ Transfer 👁 29

La Repubblica: «Napoli»ni sotib olish bo'yicha muzokaralar davom etmoqda

La Repubblica nashri xabariga ko'ra, «Napoli» klubini sotib olish ehtimoli bo'yicha yangi mish-mishlar tarqaldi.

Amerikalik italyan tadbirkori Mett Ritsetta shu hafta Neapolga tashrif buyurdi.

Seshanba kuni u Chempionlar ligasi o'yinida Aurelio De Laurentisning mehmoni bo'ldi, kecha esa De Bonart mehmonxonasida klub prezidenti bilan uchrashib, qahva ustida suhbatlashdi.

La Repubblica yozishicha, gap «Napoli»ni sotib olish haqida ketgan va nashrning ta'kidlashicha, don Aurelio narxni belgilagan: 2 milliard yevro bir yo'la to'lanishi kerak. Ritsetta esa 1,3 milliard yevroni birdaniga to'lashga tayyor ekani aytilmoqda.

Bir muddat avval boshqa bir gazeta, Il Corriere dello Sport, De Laurentis bir necha qismda to'lanadigan 2,2 milliard yevrolik taklifni rad etgani haqida yozgandi.

Ritsetta «Napoli Basket» basketbol klubi egasi hisoblanadi, u Neapol meriyasida yaxshi aloqalarga ega va shaharning turli ijtimoiy loyihalariga sarmoya kiritadi. «Napoli» o'z stadionini qurishi yoki Fuorigrottadagi arenani rekonstruksiya qilishga mablag' ajratishi kerakligi borasidagi jamoatchilik muhokamasida Ritsetta rekonstruksiya tarafdori bo'lib chiqmoqda.

Ulashish

Izohlar (0)

Hozircha izoh yo'q. Birinchi bo'lib fikr bildiring!