Luis Enrike:
«Ob'ektiv tahlil qilish qiyin. O'ylaymanki, birinchi bo'limda qiziqarli o'yin ko'rsatdik, ammo ikkinchi gol o'tkazib yuborilgan vaziyatda xatoga yo'l qo'ydik va bu vaziyatni qiyinlashtirdi. Lekin ko'rganlarimdan mamnunman; akademiya o'yinchilari qanchalik yaxshi o'ynaganini ko'rdim. Bu jismoniy holatimizni yaxshilash uchun o'tkazilgan o'yin. Biz kutgan natija emas, ammo bu futbol. «PSJ»ga qarshi o'ynaganingizda, bu barcha jamoalarni motivatsiya qiladi, bu tabiiy hol. Bu mavsumoldi tayyorgarligimizning birinchi haftasi va tarkibimizda akademiya o'yinchilari ko'p. Ular juda yosh futbolchilar va men ularning darajasi hamda mentalitetini alohida ta'kidlashim kerak. Uch kundan keyin yana bir mavsumoldi o'yinini o'tkazamiz. Bu odatiy hol; jamoamizni haqiqiy baholash uchun terma jamoa o'yinchilarimiz qaytishini kutmoqdamiz».
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!