Fabrisio Romano va Matteo Moretto xabariga ko'ra, «Inter» vingeri Luis Enrikega bo'lgan qiziqish juda yuqori va u «Roma»ning Rodrigo Mora transferidan keyingi navbatdagi maqsadi bo'lishi mumkin.
Matteo Moretto ma'lumotiga ko'ra, futbolchi «Roma»ga o'tishga juda yaqin, garchi kelishuv hali yakuniga yetmagan bo'lsa ham. Klub rahbariyati uchun ustuvor vazifa «Portu» bilan Mora bo'yicha muzokaralarni yakunlash hisoblanadi. Shundan so'ng, e'tibor Luis Enrikega qaratilishi mumkin, u so'nggi haftalarda Destini Udoji va Alessio Kachchamani kabi variantlardan ustunroq ko'rilmoqda.
«Roma» va «Inter» o'rtasida transfer bo'yicha kelishuv asosi tayyor. Hozircha Luis Enrike bilan moliyaviy masalalar qolmoqda. Xabar qilinishicha, braziliyalik futbolchi Jan Pero Gasperini taklif qilgan texnik va taktik rejani ma'qullagan, biroq tomonlar shaxsiy shartnoma shartlari bo'yicha hali kelishib olishmagan.
Vaziyat hozircha to'liq oydinlashmagan, ammo so'nggi soatlardagi ma'lumotlarga ko'ra, Mora transferidan so'ng «Roma»ning asosiy maqsadi Luis Enrike bo'ladi.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!