Paulo Fonseka "PSJ"ga qarshi o'yin oldidan o'z fikrlari bilan o'rtoqlashdi: "Biz turnir jadvalining yuqori qismida qolishni istaymiz".
Dushanba kuni soat 20:30 da bo'lib o'tadigan "Pari Sen-Jermen"ga qarshi bahs oldidan "Lion" bosh murabbiyi Paulo Fonseka matbuot anjumanida ishtirok etdi. Mutaxassis tarkibdagi yo'qotishlar, "Xoffenxaym" bilan o'yindan keyingi holat va Liga 1 ning 8-turi oldidan jamoaning tayyorgarligi haqida gapirdi.
Tarkib holati
Mohamed Uedraogo, Lois Openda va Pavel Shults ertangi o'yinda ishtirok eta olmaydi. Stiv Kango miya chayqalishidan keyingi protokol doirasida nazorat ostida, Nikolas Talyafiko esa katta ehtimol bilan keyingi hafta safga qaytadi.
Hujumdagi yana bir jarohat
Men bunga o'rganib qolganman. O'tgan yili ham xuddi shunday bo'lgandi. Biz moslashishimiz va mavjud variantlardan foydalanishimiz kerak. Hujumchilar borasida omadimiz kelmayapti.
Endrikning qaytishi mumkinmi?
Ehtimol, qishda markaziy hujumchi sotib olishimizga to'g'ri kelar. Bu borada Matyo Lui-Jan bilan maslahatlashdim. Qishda bizga yangi forvard kerak bo'lishi mumkin. Markaziy hujumchi pozitsiyasida bizda faqat Remi Imber va Alexandro Gomes Rodriges bor. Xalis Mera, Korenten Tolisso va Noa Narti zarurat tug'ilganda ularning o'rnini bosa oladi. Jyulyen Dyuranvil uchun bu pozitsiya murakkab.
Remi Imber
U yosh futbolchi va bu uning faoliyatidagi shu turdagi ilk o'yin edi. U ish orqali tajriba to'playdi. Uning iqtidorli jihatlari ko'p.
Alexandro Gomes Rodriges
Hujumdagi muammolarni hisobga olsak, u variantlardan biri bo'lishi mumkin. Vaziyatga qarab o'yinlarga qanday yondashishimizni ko'ramiz. U asosiy guruh bilan birga o'ynashga tayyor.
"Xoffenxaym"dan "PSJ"ga
Biz oxirgi o'yinni unutdik — undan ijobiy xulosa chiqarish qiyin. Ertaga shogirdlarim motivatsiya bilan maydonga tushishadi. Hozir "PSJ" dunyodagi eng yaxshi jamoa. Biz ajoyib o'yin o'tkazishimiz kerak va futbolchilarim ertangi bahsga diqqatni jamlaganini tushunishim qiyin emas. Bu jiddiy sinov. O'tgan yili ularga qarshi yaxshi o'yin o'tkazgandik, endi esa ham himoyada, ham hujumda mukammal bo'lishimiz shart. Men ko'plab o'yinlarni tomosha qildim va hozirgi "PSJ" avvalgisidan farq qiladi deb hisoblayman. Oxirgi o'yinlardagi harakatlarimizni hisobga olgan holda moslashishimizga to'g'ri keladi.
"Lion" — Liga 1 yetakchisi
O'yinni o'tkazib olmagunimizcha birinchi o'rin haqida gapirmaymiz. Biz diqqatni futbolga qaratganmiz. Turnir jadvalining yuqori qismida qolishni istaymiz. Ertaga dunyoning eng yaxshi jamoasiga qarshi o'ynashimizni bilamiz. Ular eng yaxshi bo'lib qolayotganidan hayratlanish kerak. Murabbiy bu muvaffaqiyat uchun katta maqtovga loyiq. Jarohatlar ularga ta'sir qilmaydi — bizda ham jarohatlanganlar bor. Ularning barcha futbolchilari yuqori saviyaga ega. Nima bo'lishidan qat'iy nazar, ular kuchli bo'lishadi.
"Nitssa" va kamchilikda o'ynash
Biz turli sxemalar bo'yicha o'ynay olamiz. O'sha vaziyatda himoya chizig'iga o'yinchilarni qo'shish muhim deb hisoblagandim. Keyto Nakamuraning qizil kartochkasidan keyin ixchamroq harakat qilishimiz kerak edi.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!