«Gamburg» Peter Nogli xotirasiga motam tutmoqda.
Bugun tunda og'ir xastalikdan so'ng 79 yoshida «Dub» laqabi bilan tanilgan Peter Nogli vafot etdi. U «Gamburg»ning sobiq himoyachisi va sardori, shuningdek, klub safida eng ko'p o'yin o'tkazgan rekordchilardan biri edi.
Nogli jamoada o'n yil to'p surdi va shu vaqt ichida 412 ta o'yinda maydonga tushib, 51 ta gol urdi va 4 ta golli uzatmani amalga oshirdi.
«Gamburg» tarkibida u 1978/79-yilgi mavsum chempionligi, 1975/76-yilgi mamlakat kubogi, shuningdek, 1976/77-yilgi Kubok egalari kubogini qo'lga kiritgan.
Shuningdek, Nogli 1976-yilda GFR terma jamoasi safida Yevropa vitse-chempioni bo'lgan, ikki marta Bundesliga vitse-chempioni unvoniga erishgan, 1973/74-yilgi Germaniya kubogi finaliga chiqqan, 1979/80-yilgi mavsumda esa «Gamburg» bilan Yevropa chempionlar kubogi finaliga qadar yetib borgan.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!