Pyer Saj «Midlsbro»ga qarshi o'yin oldidan fikrlarini bildirdi

Pyer Sajning «Midlsbro»ga qarshi Liga kubogi o'yini oldidan matbuot anjumani:

Evann Gessan va Duayt MakNilning «Fulxem»ga qarshi o'yin qaydnomasidan tushib qolgani haqida:

Pyer Saj: «Ular «Manchester Siti»ga qarshi maydonga tushganida men norozi bo'lgandim. Bu mening qarorim, sportga oid qaror. Ba'zida o'yinchilarga o'z darajasini tiklab olishi uchun turtki berish kerak».

Rotatsiya ehtimoli haqida:

Pyer Saj: «Men rotatsiyaning katta muxlisi emasman. Har safar buni amalga oshirganimda, natijadan, ayniqsa ko'rsatilgan o'yindan norozi bo'lganman. Biz barcha futbolchilarning mehnatini hurmat qilishimiz kerak va bu ular uchun o'zini ko'rsatish imkoniyati bo'lishi mumkin. Biz ushbu musobaqada ambitsiyali maqsadlar qo'yganmiz va g'alaba qozonishni istaymiz».