O'yin yakunlandi, 2:2. Adolatli natija, bugun hech bir tomon mag'lubiyatga loyiq emasdi. «Roma»ga bunday kuchli raqiblarga qarshi o'yinlarda g'alabani ishonchli saqlab qolish uchun hali kuch yetishmayapti. Oxirgi 10-15 daqiqada umuman hamma charchab qoldi, qolaversa, konsentratsiyani yo'qotish muammosi hamon saqlanib qolmoqda. Bu o'tgan mavsumdan beri davom etib kelayotgan holat, «Roma» asosan ikkinchi bo'limlarda, 45-60 daqiqalar oralig'ida gollar o'tkazib yubormoqda.
Ndika maydonga tushgach, Tyuram avvalgidek Ermoso va Manchiniga qarshi kurashda shunchalik faol bo'lmay qoldi. Shuningdek, Balerdining jarohati ham o'z ta'sirini o'tkazdi, chunki uning o'rniga tushgan Gilardi Lautaro va Tyuramning bosimi ostida qoldi va aynan u orqali raqiblar hujum qila boshlashdi. Umuman olganda, o'sish uchun zamin bor, aslida ayni damda «Roma» va «Inter» eng kuchli ikki jamoa hisoblanadi.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!