Fabrisio Romano xabariga ko'ra, "Roma" transfer bozorida o'z ishini davom ettirmoqda va ayni damda ikki futbolchi: Rodrigo Mora va Malik Fofana transferi bo'yicha muzokaralar olib bormoqda.
Mora masalasida "jallorossilar" bitimni yakunlash ustida ishlamoqda, ammo futbolchi hali ko'chib o'tish uchun ruxsat olmagan. Shu sababli, transferni rasmiylashtirish uchun zarur bo'lgan so'nggi qadamlar kutilmoqda.
Shu bilan birga, Malik Fofananing transferi ham dolzarb bo'lib qolmoqda. "Roma" futbolchining roziligini olgan va "Lion" bilan kelishuvga erishish uchun aloqada bo'lib turibdi.
Luis Enrike nomzodi esa hozircha keng qo'llab-quvvatlanmayapti. U asosiy ikki kelishuvdan biri barbod bo'lgan taqdirda muqobil variant hisoblanadi. Bundan tashqari, futbolchi bilan moliyaviy shartlar bo'yicha hali kelishuv mavjud emas.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!