🚨 Javi Gomara: Xulian Alvares hali asosiy guruh bilan mashg'ulot o'tkazmadi. Bugun ertalab argentinalik futbolchi bazaga boshqalardan kechroq yetib keldi va individual tarzda shug'ullandi.
«Atletiko»da oldindan tushuntirishlaricha, terma jamoalar safida harakat qilgan futbolchilar jismoniy tayyorgarlik bo'yicha murabbiylar nazorati ostida individual rejalar asosida jamoaviy ishlarga qaytishadi. Shu bois, Alvaresning erta tongda yo'qligi g'ayritabiiy holat emas.
Har bir futbolchining o'z jadvali bor: Xulian soat 11:30 atrofida yetib keldi, o'sha paytda jamoadoshlari mashg'ulotni yakunlab bo'lishgandi.
Chorshanba kuni Alvares jamoaga qo'shilishi kutilmoqda. Agar uning jadvali umumiy mashg'ulot bilan to'g'ri kelsa, bu uning ta'tildan keyin Diyego Simeone va boshqa o'yinchilar bilan ilk uchrashuvi bo'ladi.
Xulian xohlasa, Simeone bilan shaxsan gaplashishi mumkin — murabbiyning kabineti eshigi u uchun, xuddi boshqa har qanday futbolchi kabi, ochiq.
Shu bilan birga, «Atletiko»ning Alvares kelajagi borasidagi pozitsiyasi o'zgarishsiz qolmoqda: hech qanday yangilik yo'q. Klub hujumchini sotmasligini, ayniqsa «Barselona»ga, va unga 2026/27 yilgi mavsumda ishonishini ta'kidlamoqda.
Ushbu pozitsiyani Simeone ham to'liq qo'llab-quvvatlaydi.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!