Fernando Polo va Joan Poki xabariga ko'ra, Xulian Alvares hamon «Barsa»ga o'tishni orzu qilmoqda, klub ham futbolchiga qiziqish bildirmoqda. Agar transfer amalga oshmay, u «Atletiko»da qolib ketsa, «Barsa» 2027-yilning yanvar oyida ham unga bo'lgan qiziqishni saqlab qoladi.
«Barsa»da Xulian va uning agenti yaqin kunlarda o'z pozitsiyalarida qat'iy turishiga ishonch bildirishmoqda. Mashg'ulotlarni o'tkazib yuborish ehtimoliy qadam sifatida ko'rilmayapti, chunki bu futbolchining obro'siga putur yetkazishi mumkin. Biroq Xulianning transfer talab qilish bo'yicha har qanday harakati «Atletiko» muxlislarini yanada g'azablantirishi aniq. «Barsa»ning asosiy ustunligi — futbolchining o'z xohishi.
Xulianning so'zlariga ko'ra, «Atletiko» vakili Migel Anxel Xil Marin fevral oyidagi shaxsiy uchrashuvda, agar futbolchi buni o'zi uchun eng yaxshi qaror deb bilsa, yozda uni qo'yib yuborishga va'da bergan.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!