Yan Diomande «Real Madrid» futbolchisiga aylandi

Yan Diomande «Real Madrid» safiga o'tdi. Transfer summasi 125 million yevroni tashkil etadi, shuningdek, 15 million yevro bonuslar ko'zda tutilgan.

RB Leypsig klubidan benihoya minnatdorman. Klub va rahbariyat bir yil avval, o'sha paytda atigi bir nechta o'yinda maydonga tushgan bo'lsam ham, menga ishonch bildirdi. Ular menga imkoniyat berib, o'zimni yuqori saviyada ko'rsatishimga sharoit yaratib berishdi.

Yevropaning eng kuchli ligalaridan birida o'z o'rnimni topdim, Kot-d’Ivuar terma jamoasidan chaqiruv oldim va mamlakatim sharafini eng katta turnir — jahon chempionatida himoya qildim. RB Leypsigsiz bularning barchasi imkonsiz bo'lardi va buning uchun har doim minnatdor bo'laman.

«Real Madrid»ga o'tish — bolalikdagi orzuimning ushalishi. Ayniqsa, amaldagi shartnomam bo'lishiga qaramay, ushbu transferni amalga oshirishga ruxsat bergani uchun RB Leypsig rahbariyatiga alohida tashakkur bildiraman.

Muxlislarga: birinchi kundanoq ko'rsatgan aqlbovar qilmas qo'llab-quvvatlashingiz uchun katta rahmat. Sizning ishtiyoqingiz, menga bo'lgan ishonchingiz so'z bilan ta'riflab bo'lmaydigan darajada qadrli. Menga bergan mehr-muhabbatingiz uchun hamisha minnatdor bo'laman.

Bugun men uchun yangi sahifa ochilmoqda. Xayrlashish har doim qiyin, ammo oldinda meni nimalar kutayotganini intizorlik bilan kutyapman va Leypsigdagi davrimni doimo faxr bilan eslayman. Bu klub abadiy qalbimda qoladi va RB rivojini diqqat bilan kuzatib boraman. Kim biladi, deysiz? Balki, tez orada Chempionlar ligasida yana to'qnash kelarmiz.

Barchasi uchun rahmat.

Omad, Yan! 🍀