Roma bosh direktori Jon Galantik Trento sport festivalida klubdagi ilk oylari, strategiya va bo'lajak rejalar haqida gapirib o'tdi.
Jon Galantik Trento sport festivalining asosiy qahramonlaridan biriga aylandi va Jan Pyero Gasperini bilan bir sahnada chiqish qildi.
"Roma" bosh direktori klubdagi ilk oylari, Fridkinlar oilasiga mansub egalar bilan munosabatlari hamda barqaror va raqobatbardosh tashkilot qurish strategiyasi haqida so'zlab berdi.
Shuningdek, u yangi stadion, yoshlar akademiyasi va bo'lajak yanvar oyi transfer oynasiga oid masalalarga ham to'xtalib o'tdi.
«Roma» klubi Jon Galantikni bosh direktor lavozimiga tayinlaganini rasman e'lon qildi. Fridkinlar oilasi uning tajribasi klub uchun muhimligini ta'kidladi.
«Roma» klubining Jon Galantikning tayinlanishi bo'yicha rasmiy bayonoti:
Bugun biz Jon Galantikning «Roma» bosh direktori lavozimiga tayinlanganini g'urur bilan e'lon qilamiz. Jon dunyoning eng muhim kompaniyalarini yuqori darajada boshqargan, so'nggi paytlarda esa Italiyada faoliyat yuritgan. U Italiya sporti va biznesini chuqur tushunadi, chunki «Roma» va «Ferrari» direktorlar kengashi a'zosi bo'lgan.
Jon, AQSh va Shveytsariya fuqarosi, asli italiyalik bo'lib, butun umri davomida «Roma»ga muxlislik qiladi. U bu shaharni sevadi, uning ruhini tushunadi, muxlislarini biladi va klub ular uchun nimani anglatishini yaxshi anglaydi. Biz u klubni ikkinchi asrida boshqarish uchun eng munosib inson ekanligiga qat'iy ishonamiz. Uning tayinlanishi yangi boshlanishlar mavsumiga to'g'ri kelmoqda. Biz Chempionlar ligasiga qaytmoqdamiz — bu maydondagi fidoyilik evaziga erishilgan va buyuk futbol muxlislarining sadoqati tufayli amalga oshgan maqsad. 22-iyul kuni esa biz «Roma»ning yuz yillik bayramini boshladik. Jonni klubimizda kutib olishda bizga qo'shiling.
Fridkinlar oilasi «Roma» klubi boshqaruvini Jon Galantikka ishonib topshirdi. U klubning yangi bosh direktori etib tayinlandi.
Fridkinlar oilasi «Roma» klubi operativ boshqaruvini Jon Galantikka ishonib topshirdi. Futbol olamidan yiroq bo'lishiga qaramay, u xalqaro boshqaruv sohasida juda nufuzli tajribaga ega mutaxassis hisoblanadi. AQSH va Shveysariya fuqarosi bo'lgan Galantik dunyoning eng yirik brendlarida ishlagan.
Tufts universitetini tamomlab, Garvardda magistrlik darajasini olgan menejer o'z faoliyatini Procter & Gamble kompaniyasida boshlagan, keyinchalik GlaxoSmithKline va Coty kompaniyalarida rahbarlik lavozimlarida ishlagan. Uning eng katta yutug'i «Chanel» moda uyida o'n olti yil davomida prezident va bosh operatsion direktor sifatida ishlagani bo'ldi. 2024-yilda Diyego Della Valle uni Tod's Group bosh direktori etib tayinlagan edi. Shuningdek, u so'nggi yillarda Ferrari, Bacardi va «Roma» direktorlar kengashi a'zosi bo'lgan.
U Trigoriya uchun begona emas. Galantik «jallorossi»ni yaxshi biladi va egalari uni klubning ikkinchi asrida boshqarish uchun ideal nomzod deb hisoblaydi. Fridkinlar oilasi uni «umrbod romanista» deb atab, uning shaharga bo'lgan muhabbatini va klubni chuqur tushunishini alohida ta'kidladi. «Roma» futbol tajribasiga ega direktor o'rniga global kompaniyalarni boshqarishga o'rgangan menejerni tanladi. Maqsad — korporativ tuzilmani mustahkamlash, brendni rivojlantirish va klubni yangi bosqichga olib chiqish.
