Kalidu Kulibali «Al-Garafa»ga qarshi o'yin oldidan o'z fikrlari va jismoniy holati haqida gapirib o'tdi.
🏆 Kulibali:
Biz raqibimiz, Qatar klubi «Al-Garafa»ni hurmat qilamiz va bu o'yinda maksimal kuch hamda tayyorgarlik bilan maydonga tushamiz. Maqsadimiz – chempionlikni qo'lga kiritish.
Osiyo Chempionlar ligasi – biz uchun muhim va qadrli turnir, biz uni yutishni istaymiz. Buning uchun katta jamoaviy mehnat talab etiladi.
O'yinlarning tig'iz taqvimi – futbolning bir qismi, shu bois xafa bo'lish yoki o'zimizni yomon his qilishimiz kerak emas. Biz bunga moslashib, har qanday qiyinchilikni yengib o'tishimiz lozim.
Jahon chempionatidan so'ng jarohatga duch keldim va bu men uchun juda og'ir kechdi. Ammo muxlislarimiz «Al-Hilol» safida ko'rishni istagan darajaga qaytish uchun barcha qiyinchiliklarni yengib o'tishga tayyorman.
Men o'z darajamga qaytish uchun qo'limdan kelganini qilishga va'da beraman, ayniqsa, so'nggi paytlarda ayrimlar o'yinimdan norozi bo'lganini hisobga olsak.
Jahon chempionati davri murakkab kechdi, men imkon qadar tezroq qaytishga harakat qildim, ammo bu ko'proq vaqt talab qiladi. Men qoniqarli darajaga qaytish hamda sizlarning, shuningdek, murabbiy va jamoadoshlarimning ishonchini oqlash uchun astoydil mehnat qilaman.
«Al-Hilol» himoyachisi Kalidu Kulibali jamoaning navbatdagi g'alabasi va o'yin qiyinchiliklari haqida fikr bildirdi.
Kalidu Kulibali:
Biz bu yerga muxlislarni xursand qilish uchun kelganmiz. Har bir o'yin oson kechmayapti: raqiblar «Al-Hilol»ga qarshi katta fidoyilik bilan o'ynashmoqda. Biz bu tarixni davom ettirmoqchimiz va yakunda g'alaba qozonishga muvaffaq bo'ldik.
Bu nihoyatda og'ir o'yin bo'ldi; bizga kuchli hujumchilarga va sifatli saudiyalik o'yinchilarga ega kuchli raqib qarshilik ko'rsatdi.
Biz individual futbolchilarning mahorati — masalan, Nevesh va Milinkovich-Savich, shuningdek, butun jamoaning sa'y-harakatlari evaziga yuqoriroq darajadagi o'yinni ko'rsata oldik.
Biz o'yindan o'yinga qarab bormoqdamiz va to'plangan sur'atni saqlab qolishni istaymiz.