#Luka Perkassi — yangiliklari

Roma — Atalanta uchrashuvidan so'ng keskin vaziyat yuzaga keldi.

Corriere dello Sport gazetasi xabariga ko'ra, Olimpiko stadionidan chiqishda Roma sport direktori Toni D'Amiko Atalanta bosh direktori va A Seriya vitse-prezidenti Luka Perkassi bilan qattiq tortishib qolgan.

Mavjud ma'lumotlar va guvohlarning ko'rsatmalariga ko'ra, Perkassi D'Amikoga nisbatan haqoratli so'zlarni baqirgan; D'Amiko esa bunga javob qaytarmay, Monte-Mario avtoturargohi tomon yo'l olgan. Mojaro xavfsizlik xizmati xodimlari va politsiya aralashguniga qadar davom etgan.

Ushbu keskinlikning negizida D'Amikoning Atalantadan ketib, Romaga o'tishi hamda Marten de Ronning jallorossilar safiga o'tishi bilan bog'liq tarix yotgan bo'lishi mumkin. Shu bilan birga, hodisadan bir necha kun oldin D'Amikoning o'zi Bergamoda o'tkazgan vaqti haqida ijobiy fikrlar bildirgan edi. Hozircha, mojaro ishtirokchilarining hech biri yuz bergan voqea yuzasidan rasmiy bayonot bermadi.

«Roma» «Atalanta»ga qarshi o'yin yakunidagi voqeadan so'ng o'z pozitsiyasini rasman ma'lum qildi.

Klub «Atalanta» bosh direktori Luka Perkassi ishtirokidagi voqea yuzasidan sport direktori Toni D'Amikoni to'liq qo'llab-quvvatlashini bildirib, rasmiy bayonot e'lon qildi.

Bayonotda klub Perkassining «Jalorossi» direktori tomon qilgan xatti-harakatlarini «maqbul emas» deb ataydi va hech qanday munosabat bildirmagan D'Amikoning harakatlari to'g'ri bo'lganini ta'kidlaydi. «Roma» ushbu holatni tegishli sport huquq-tartibot organlariga taqdim etishini e'lon qildi. Shu tariqa, voqea «Olimpiko»da bo'lib o'tgan holat bilan cheklanib qolmay, endilikda federal darajada rasmiy davom etadi.

«FK «Roma» «Atalanta» bilan o'yindan so'ng yuz bergan voqea yuzasidan sport direktori Toni D'Amikoni to'liq qo'llab-quvvatlaydi. Klub «Atalanta» bosh direktori Luka Perkassining o'z direktorlaridan biriga nisbatan xatti-harakatlarini maqbul emas deb hisoblaydi va hech qanday munosabat bildirmagan D'Amikoning to'g'ri harakat qilganini ta'kidlaydi. FK «Roma» ushbu voqeani tegishli sport huquq-tartibot organlariga baholash uchun taqdim etadi».