#Patrik Merkado — yangiliklari

❌ Patrik Merkado «Sevilya» futbolchisiga aylanmaydi — bu rasman tasdiqlandi. Ekvadorlik futbolchi bilan bog'liq vaziyatga nuqta qo'yildi.

Gonsalo Tortosa xabariga ko'ra, klublar o'rtasida dastlabki kelishuvga erishilgan bo'lsa-da, futbolchining tizza old xochsimon bog'lamlari uzilgani sababli u tibbiy ko'rikdan o'ta olmaydi. Shu bois, uning 6 million yevro evaziga «Sevilya»ga o'tishi imkonsiz bo'lib qoldi.

❤️ «Sevilya» Patrik Merkado bilan shartnoma imzolashdan voz kechganini rasman ma'lum qildi.

Yaqinda OAVda ekvadorliklar «Sevilya»dan dastlabki kelishuvni buzgani uchun 3 million jarima talab qilmoqchi ekani haqida xabarlar tarqalgandi. O'z navbatida, klub ushbu kelishuvdagi bandga tayanib, futbolchining jismoniy holati tufayli transferdan voz kechish huquqiga ega ekanini ta'kidladi va aynan shu sababli kelishuv barbod bo'ldi.