Amin Arit «Renn»ga qarshi o'yin oldidan o'z fikrlari bilan o'rtoqlashdi

🎙️ Amin Aritning «Renn»ga qarshi o'yin oldidan matbuot anjumani

— O'z pozitsiyasi haqida:

Moslashish kerak. Faoliyatim davomida markazda ham, qanotlarda ham ko'p o'ynaganman. Men bunga qattiq bog'lanib qolmayman — deyarli istalgan pozitsiyada o'ynay olaman. Umid qilamanki, pozitsiyadan qat'i nazar, har bir o'yinda hal qiluvchi rol o'ynay olaman va bor kuchimni beraman.

— Vea haqida:

Mashg'ulotlarda ba'zi jihatlarni ishlab chiqyapmiz. Uning energiya zaxirasi juda katta. Biz yaxshi chiqishib ketganmiz.

— Guiri haqida:

Bir nechta vaziyatda unga tanbeh berdim (jilmayadi). Bu konstruktiv edi. Biz hal qiluvchi rol o'ynashni istaymiz. Hech qanday maxsus suhbatlar bo'lmadi. Biz futbolni yaxshi ko'ramiz, umumiy til topishish biz uchun oson. U futbolni his qiladi. U doim gollar urgan. Hozir u yana o'ziga bo'lgan ishonchni qaytarib oldi. Biz bir xil futbol tilida gaplashamiz. U har doim jamoadoshlariga yordam berishga tayyor. Bu tabiiy hol.

— Yevropa Ligasi haqida:

Menga Yevropa Kubogi yarim finallarida o'ynash nasib qilgan. Yevropa Ligasiga kelsak, bu mavsumda har bir o'yinga alohida yondashamiz. Ammo avvalo chempionatga e'tibor qaratishimiz kerak.

— Tribunalardagi Yevropa muhiti haqida:

Turkiyadagi tribunalardagi muhit — bu boshqacha narsa! Bu yerda bizning muxlislarimiz hech narsada turklardan qolishmaydi! Marselda bizni ajoyib tarzda qo'llab-quvvatlashadi.

— Mavsum boshlanishi haqida:

Barcha o'yinlar qiyin. Biz 100 foiz formada bo'lish uchun ishlayapmiz. Bu yil hech narsa tekinga berilmayapti. Haftalik mashg'ulotlarga qaraganimda, tushkun jamoani ko'rmayapman. Biz diqqatimizni jamlaganmiz.

— Abdalla haqida:

U endi Liga 1 bilan tanishmoqda, asta-sekin o'yin vaqti olmoqda. Jamoa tarkibi unchalik katta emasligini hisobga olsak, uning bu mavsumda muhim o'yinchiga aylanishi uchun barcha sifatlari bor. U to'g'ri yo'nalishda harakatlanmoqda.

— Klubdagi «katta maoshlar» haqida:

Klub bilan muzokaralar bo'lgandi. Klubga bo'lgan hurmatim yuzasidan bu yerda to'xtalib o'tirmayman. Bu borada aytadigan gapim yo'q. Shartnomam yakunlanishiga bir yil qoldi va men bu yerda ekanligimdan juda xursandman. Shartnomalarga kelsak, bu haqda keyinroq gaplashamiz.

— Jamoadagi o'rni haqida:

Murabbiy bilan ishlash — haqiqiy zavq. U bizga katta erkinlik beradi.