RMC Sport xabariga ko'ra, agar Bredli Barkola "Liverpul"ga o'tsa, "Lion" transfer summasining 3,5 foizini qo'lga kiritadi. Parij klubi va "qizillar" kelishuvga yaqin turibdi. Umumiy qiymat bonuslar bilan birga 140-150 million yevroni tashkil etishi kutilmoqda. "Lion" futbolchini tarbiyalagan klub sifatida ushbu mablag'ga ega bo'ladi.
RMC Sport ma'lumotiga ko'ra, tomonlar o'rtasidagi muzokaralar yakuniy bosqichda. Bitim har qanday vaqtda rasmiylashishi mumkin. FIFA qoidalariga ko'ra, "Lion" 2010-yildan 2023-yilgacha o'z tizimida bo'lgan futbolchi uchun 4,9 million yevrodan ortiq mablag' olishi mumkin.
Bu mablag' "Lion" uchun ayni muddao bo'lishi kutilmoqda. Chorshanba kuni "Fenerbaxche"dan uchralgan mag'lubiyat va Chempionlar ligasidan chiqib ketish klubga katta moliyaviy zarar keltirdi.
"Ehtimol, endi biz sotishimiz kerak bo'ladi - voqelik shunday", - dedi bosh murabbiy Paulu Fonseka mag'lubiyatdan so'ng.
Ayni damda 23 yoshli vinger Angliyaga borish uchun ruxsat olmagan. U yozda klubni tark etish istagini bildirganidan buyon Luis Enrike tarkibiga kiritilmayapti.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!