Davide Frattesi o'zining ruhiy holati va «Inter»dagi faoliyati haqida gapirib o'tdi:
«Oxirgi bir yil davomida ruhiy jihatdan menga juda qiyin bo'ldi. Qiz o'rtog'im pul eng muhim narsa emasligini, undan ham qadrliroq narsalar borligini aytardi. Buvim vafot etganidan beri uyga qaytish istagini kuchli his qildim. Pul menga kerak emas, men oilam va do'stlarim bilan ko'proq vaqt o'tkazishni istayman. Garchi bu qiyin bo'lsa-da, hayotdan biroz ko'proq zavq olishni xohlayman; men 16 yoshimda uydan ketganman va ko'p narsalarni boy berdim. Agar biror narsani tiklash imkoni bo'lsa, bu juda ajoyib. «Inter»da nima o'xshamadi? Aslida, yarim himoyada juda kuchli futbolchilar o'ynashadi va ular bilan tengma-teng raqobatlashish oson emas. O'tgan yili churra operatsiyasidan so'ng tiklanish jarayonini o'tkazdim: kallam ishlayapti, lekin oyoqlarim emas. Safga tezroq qaytishga urinib, yaqinlashtiruvchi mushagimni cho'zib oldim va faqat noyabr-dekabr oylarida normal mashg'ulot o'tkaza oldim. Bu esa kuchli raqobat sharoitida juda kech edi. Dekabrda o'ynashni boshlash mavsum boshiga qaraganda qiyinroq. Men Milanda yaxshi iz qoldirganimni, jumladan, muxlislar bilan munosabatlarimda ham iliqlik borligini his qilaman».
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!