Deniz Undav o'zining joriy mavsumdagi holati va terma jamoadan chetda qolishi haqida

⚡️Deniz Undavning kechagi o'yindan keyingi kuchli intervyusi:

Albatta, almashtirilganimdan xursand emasman. O'tgan mavsumdagidek vaziyatlarga tushayotganimni his qilmayapman, chunki ko'pincha darvozadan juda uzoqda qolib ketyapman. Deyarli hech qachon jarima maydonchasi ichida bo'lmayapman, bo'lgan taqdirimda ham gol ura olmayapman. 4 ta o'yinda menda bor-yo'g'i 2 ta imkoniyat bo'ldi.

O'tgan mavsumda ko'pincha hujumning so'nggi chizig'ida qolardim, o'shanda to'p menga kelib tushishi mumkin bo'lgan pozitsiyada edim. Hozir esa darvozadan uzoqroqda o'ynayapman, 40 metr oldinga yugurishimga to'g'ri kelyapti. Ammo bunday vaziyatlar ham kamdan-kam yuzaga kelyapti. Men o'z balansimni topishim kerak.

Men ochiq gapiraman va hech narsani yashirmayman, xoh u yomon, xoh yaxshi bo'lsin. Menda tez-tez muammolar yuzaga kelgan va ko'p marta o'z qadr-qimmatimni isbotlashimga to'g'ri kelgan. Bu yozda o'zim bilan o'zim urushgan edim.

(Terma jamoaga chaqirilmaganimdan) biroz xafa bo'ldim, JCh va terma jamoadagi boshqa o'yinlarim tufayli menga qandaydir kafolat bor deb o'ylagandim. Ko'rinishidan, unday emas ekan va men yana ko'p narsaga qodirligimni isbotlashimga to'g'ri keladi. Har bir murabbiyga o'z salohiyatimni isbotlashim kerak, lekin bunga ko'nikib qolganman. Shunday ekan, buni yana qilaman va safga qaytaman, umid qilamanki, noyabr oyida.

👑Va yakuniy so'z:

Men buni (terma jamoaga chaqirilmaganimni) qabul qilishim kerak. Men o'ziga achinadiganlardan emasman. Bu yerda o'tirib yig'lamoqchi emasman. Endi oldinga qarab harakatlanish vaqti keldi.