Dik Sxreder Kodai Sano o'yinni rad etgani haqida gapirdi

Dik Sxreder "Olimpiakos"ga qarshi o'yinda Kodai Sanoning tarkibdan joy olmagani haqida batafsil to'xtaldi.

Bosh murabbiy yaponiyalik yarim himoyachining o'ynashdan bosh tortganidan juda norozi bo'ldi. Sano PSVga o'tish arafasida turibdi va aynan shu sababli bahsda ishtirok etmadi:

"Agar futbolchi o'yin kuni shunday iltimos bilan kelsa, bu hech kimni xursand qilmaydi. Futbolchi senga 'yo'q' desa, har doim og'ir bo'ladi. Bir tomondan, bu uning uchun qanchalik muhimligini tushunasan, boshqa tomondan esa: 'Mayli... Men hech bo'lmasa yana ikkita o'yinda maydonga tushishingni kutgandim', deb o'ylaysan. Ayniqsa, ichki kelishuv nima haqida bo'lganini bilsang."

"Soat o'n yarimlarda u guruh bilan oldimga keldi. O'sha yerda u o'ynay olmasligini tushuntirdi. Shundan so'ng, men undan mehmonxonani tark etishini so'radim, chunki barcha o'yinchilarning diqqat-e'tibori faqat shu bahsga qaratilishini istayman."