Aslida, Vengriya terma jamoasi murabbiylar shtabiga nisbatan bildirilayotgan tanqidlar bilan unchalik ham kelisha olmayman. Buning ikkita sababi bor:
🛑 Dominik – terma jamoa sardori, qolaversa, har bir daqiqada maydonda bo'lishni istaydigan futbolchi. U o'ziga imtiyoz berishga tayyor inson taassurotini qoldirmaydi – u Modan mashg'ulot bazasiga hammadan oldin kelish odatini o'zlashtirgani bunga yaqqol misol.
Dominik terma jamoa murabbiylariga noqulaylik yoki o'yinga tayyor emasligi haqida gapirganiga shubham bor, murabbiylar esa, yomon odamlar kabi, baribir uni qiynashmoqda;
🛑 O'tgan xalqaro tanaffusdan so'ng Soboslai jarohat bilan «qaytgan» edi, ammo oktyabr o'rtalarida Vengriya futbol federatsiyasi u terma jamoaga son qismidagi zo'riqish bilan kelgani haqida bayonot berdi.
Hatto shundan keyin ham, 2 ta o'yinni o'tkazib yuborgach, u yana asosiy tarkibda maydonga tushdi, qaytalangan jarohat oldi va o'yindan keyin Iraola bu eski jarohat ekanligini aytdi. Shoshilish kerakmidi? O'ylamayman.
Yoki, masalan, KPga qarshi o'yinda – Iraola Soboslai birinchi bo'limda tizzasini biroz orqaga qayirib olganini, ammo baribir oyog'ini bog'lab, ikkinchi bo'limda maydonga tushganini aytgandi. Bunga arziydimi? Ishonchim komil emas.
Xulosa qilib aytganda, e'tiboringizni Vengriya terma jamoasi murabbiylar shtabidagi «oppoq va mayin» insonlarga emas, balki Soboslai bilan bog'liq vaqt menejmentini ham futbolchining o'zi, ham klub qayta ko'rib chiqishi kerakligiga qaratmoqchiman.
Birinchi holatda gap son mushaklarining zo'riqishi haqida ketgan bo'lsa, hozir esa tizza bilan bog'liq muammo, ya'ni jarohatlar xarakteri turlicha, ammo bunday holatlar odatiy tus olishini istamasdim.
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!