Fabrisio Romano: Bredli Barkolya "Liverpul"ga o'tishi mumkin

🚨 Bredli Barkolya haqida

Fabrisio Romano xabariga ko'ra, Bredli Barkolya bugun PSJ safida bir daqiqa ham maydonga tushmadi. Uning yuz ifodasi va tana tilidan futbolchi jamoani tark etish haqida o'ylayotganini tushunish qiyin emasdi. U g'alabani deyarli nishonlamadi. Shaxsiy shartlar deyarli kelishib olingan, bu muammo emas. "Liverpul" va PSJ har kuni muzokara olib bormoqda.

Kechaning muhim yangiligi shundaki, PSJ prezidenti g'alabadan so'ng Barkolya bilan nima bo'lishini bilmasligini, ular muzokaralar olib borayotganini aytdi. Odatda, klub qolishi kerak bo'lgan futbolchilar haqida gap ketganda, PSJ juda aniq bayonot beradi. Ammo prezident Barkolyaning kelajagi hali ochiq qolayotganini aytsa, bu faqat bitta narsani anglatadi: kelishuv jarayonda va bu amalda PSJning o'zi tomonidan tasdiqlandi.

Birinchi marta PSJ tomonidan Barkolya daxlsiz emasligi haqida rasmiy tasdiq bor. May va iyun oylarida Barkolyaning "Liverpul"ga o'tishi haqida ko'p gapirilgan edi va ko'pchilik: "U daxlsiz, bu imkonsiz", deb aytgandi. Men esa kelishuv imkonli ekanligini aytganman. Barkolya ketishni istaydi.

Agar PSJ Torres va Godtsni imzolasa, bu Barkolyaning "Liverpul"ga o'tish imkoniyatini oshiradi.

🚨 Mbaye haqida

"Liverpul" bir necha kun davomida futbolchining agenti Jorje Mendesh bilan muloqot qildi, ammo bugungi kunda PSJda Barkolya va Mbaye ikkalasini ham imzolash 200 million yevroga yaqin xarajatni anglatishini hisoblashmoqda. Bu juda katta paket.

"Liverpul"ning hozirgi rejasi – transfer oynasi yopilgunga qadar ikki nafar vinger imzolash. Ayniqsa, Kodi Gakpo "Tottenxem"ga o'tib ketsa, chunki bunday ehtimol mavjud.

Agar Gakpo "Tottenxem"ga o'tsa va "Liverpul" Barkolyanini imzolasa ham, yana bir vinger uchun o'rin qoladi. Ya'ni, "Liverpul" transfer oynasi yopilgunga qadar ikki nafar vinger imzolashi mumkin: Barkolya asosiy maqsad sifatida va yana bir futbolchi.

P.S. Parijliklar insayderi Jamelning yozishicha, PSJ Torres va Godts bo'yicha kelishuvlarni tezlashtirishga harakat qilmoqda.