Fabrisio Romano: Kanselu «Barselona»ga o'tishiga yaqin

Fabrisio Romano xabariga ko'ra, Joau Kanseluning «Barselona»ga o'tishi bo'yicha kelishuv amalga oshishi kutilmoqda.

«Barsa» Kanselu bo'yicha bitimni yakunlashga tayyor. Ularda futbolchining agenti Jorje Mendesh orqali kelishuv bor va klub «Al-Hilol» bilan muzokaralar ustida ishlashda davom etmoqda. Moliyaviy kelishuvga erishish uchun yana bir necha kun talab qilinadi, ammo barcha «Barselona» Kanseluni o'z safiga qo'shib olishini kutmoqda. U faqat «Barsa» variantini ko'rib chiqmoqda, boshqa klublarni eshitmayapti.