Frenk Lempard «Manchester Siti»ga o'tishi haqida gapirdi

Frenk Lempard matbuot anjumanida «Manchester Siti»ga o'tishi haqida so'zlab berdi:

Men har doim faoliyatimni «Chelsi»da yakunlayman deb o'ylaganman. Qachonki bu sodir bo'lmasligi aniq bo'lib, «Manchester Siti» varianti paydo bo'lganda, menimcha, 35-36 yoshda edim. Amaldagi chempionlar safiga o'tish g'oyasi «Chelsi»dagi tarixim tufayli meni biroz xavotirga solgandi. Ammo shu bilan birga, bu juda hayajonli edi — o'ylaymanki, chempionlar meni shu yoshda ham o'z safida ko'rishni istagani egoimga yoqimli ta'sir qildi!

Men Londondan Manchesterga qatnash shunchalik yoqishini tasavvur qilmagandim — bu uzoq emas, poyezdda ikki soatlik yo'l va men tez-tez shunday qatnaganman. Ammo bu o'tish ko'zimni ochdi: yangi klub, yangi kiyinish xonasi, boshqa katta klubda ishlar qanday yo'lga qo'yilganini ko'rish imkoniyati. Shuning uchun u yerda ajoyib vaqt o'tkazdim!

Muxlislar bilan juda yaxshi aloqa o'rnatdim! Balki avvaliga ular: «Bu o'zi kim?! 13 yil «Chelsi»da o'tkazgan — bizga nima bera oladi?!» deb o'ylashgandir. Men bor kuchimni berishga harakat qildim, ko'plab do'stlar orttirdim, ular bilan hozirgacha gaplashib turaman va ertaga ko'rishishga umid qilaman. Ortga nazar tashlab, bu tajribaga qo'l urganimdan va u yerda bir yil o'tkazganimdan juda xursandman!