Gleyson Bremer: «Ko'plab buyuk himoyachilar bu yerda tarix yaratishgan. Birinchi navbatda, men ushbu klub va terma jamoa afsonasi Gaetano Shireani o'ylayman. Bu yerda solishtirishlar o'rinsiz, ammo men o'z izimni qoldirishni juda istayman va meni «Yuventus» tarixida eslab qolishlari uchun doimo bor kuchimni beraman».
Mening sifatlarim? Men juda agressiv himoyachiman. Jismoniy kuchim va tezligimdan foydalanaman, havodagi kurashlarda kuchliman. Ammo hozirda Spalletti bilan ko'p ishlayotgan va hali qo'shishim kerak bo'lgan jihatlar ham bor.
Spalletti? U bizga aniq yo'nalish berdi va yurishimiz kerak bo'lgan yo'lni ko'rsatdi. U bilan biz juda kuchli o'sdik. Bu yuqori darajadagi murabbiy, u kundan-kunga bizga qo'yilgan maqsadlarga erishishimizda yordam bermoqda.
Yevropa Ligasi? Bu ajoyib va juda nufuzli turnir. Biz unda imkon qadar uzoqroqqa borishni istaymiz, agar oxirigacha yetib borish nasib qilsa, kim biladi, balki bu sovrinni qo'lga kirita olarimiz.
Mening jarohatim? Jarohatdan so'ng kitob o'qish menga ruhiy xotirjamlik bag'ishladi. Arastu va Sun-tszining «Urush san'ati» asari hayot faqat futboldan iborat emasligini, oila va boshqa ko'plab muhim narsalar borligini anglashimga yordam berdi.
Menga ayniqsa yaqin bo'lgan bir ibora bor: «Odamlarni voqealar emas, balki ularga bergan baholari bezovta qiladi». Bu so'zlar hanuzgacha menda chuqur aks-sado beradi.
Jarohat tufayli futbol maydonidan tashqarida o'tkazgan to'qqiz oy davomida, dam olish uchun gitara chalishni boshladim. Men buni uzoq vaqtdan beri sinab ko'rmoqchi edim va bu mashg'ulot men uchun futboldan chalg'ituvchi o'ziga xos terapiyaga aylandi».
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!