Hamza Abdelkarim: "Murabbiylar qaroriga hurmat bilan qarash kerak"

❓Siz klub bilan ushbu mavsumda rivojlanishingiz borasida qanday kelishuvlarga erishdingiz? Siz hali juda yosh o'yinchisiz va rivojlanishda davom etishingiz uchun ko'proq o'yin vaqti kerak. Agar asosiy tarkibda imkoniyat bo'lmasa, zaxira jamoasida o'ynash ehtimoli bormi yoki bu bosqich allaqachon yopilganmi?

🗣 Hamza Abdelkarim: "O'ylaymanki, har bir futbolchining orzusi — shu klubda qolish, shartnomasini uzaytirish va uni munosib himoya qilish. O'yin vaqtiga kelsak, barchamiz bilamizki, bu murabbiyning qarori. Avvalo, uni hurmat qilish kerak. Nima ustida ishlash, qaysi jihatlarni rivojlantirish va nimani yaxshilash mumkinligini tushunish lozim. O'ylaymanki, biz har kuni shu bilan shug'ullanyapmiz. Har kuni yaxshiroq bo'lishga va jamoa sifatida ishlashga harakat qilyapmiz. Shaxsan o'zimga kelsak, rivojlanishim kerakligini tan olishda yomon narsa yo'q. Albatta, ustida ishlashim kerak bo'lgan jihatlar borligini bilaman. O'yin vaqtiga kelsak, unga ishonchim komil. Asosiysi — tayyor turish, shunda imkoniyat tug'ilganda undan maksimal darajada foydalana olaman".

❓"Barsa"ning hozirgi tarkibida klassik "to'qqizlik"lar ko'p emas. Bu pozitsiyada aslida faqat Gabriel Jezus va siz borsiz. Agar murabbiy sizni "to'qqizlik" pozitsiyasiga qo'yishga qaror qilsa, jamoaga nima bera olasiz? Qanday hujumchisiz va imkoniyat hamda o'yin vaqti olsangiz, jamoaga nima olib kira olasiz?

🗣 Hamza Abdelkarim: "O'ylaymanki, gap gollar haqida ketayotgani hammaga ma'lum. Men hujumchiman, har bir hujumchi esa gol urishni va jamoasiga yordam berishni xohlaydi. Men borman, Gabi bor... Yana Rafinyani unutdingiz. Uning dastlabki beshta o'yini, nazarimda, ajoyib o'tdi. Biz u xuddi shunday o'ynashda davom etishini istaymiz. Menga kelsak, shunchaki gol urib, jamoaga yordam berishni xohlayman".

❓Siz uchun hujumchi sifatida kim namuna bo'lgan? Bolaligingizda qaysi o'yinchilarga ko'proq e'tibor qaratgansiz va futbolchi sifatida rivojlanishda davom etish uchun hozir kimlarga qarab intilyapsiz?

🗣 Hamza Abdelkarim: "Dunyoda o'rganish mumkin bo'lgan ko'plab hujumchilar bor. Ularni kuzatganimda, hatto shunchaki zavq uchun bo'lsa ham, har birining eng yaxshi qiladigan ishlarini ilib olishga va bu elementlarni o'z o'yinimda rivojlantirishga harakat qilaman. Buni butun dunyo bo'ylab ko'plab hujumchilarda ko'ramiz. Har kimning o'ziga xos kuchli tomoni bo'lishi mumkin, men esa ana shu kuchli tomonlardan o'rganishga intilaman".

❓Xavi Espart va siz yozgi mavsumoldi tayyorgarlik davrining eng yorqin kashfiyotlaridan ikkitasi bo'ldingiz. Shu bilan birga, Xavi Espart deyarli doimiy o'ynamoqda, siz esa maydonda deyarli ko'rinmayapsiz. Sizningcha, gap nimada? Bu sizning shartnomangizni uzaytirish masalasi haligacha ochiq qolgani bilan bog'liq bo'lishi mumkinmi?

🗣 Hamza Abdelkarim: "Aytganimdek, kim o'ynashi va kim o'ynamasligi haqidagi qarorni murabbiy qabul qiladi. Xavi — ajoyib o'yinchi. Barchamiz buni mavsumoldi tayyorgarlikda ko'rdik va dastlabki o'yinlarda ham ko'rib turibmiz. Shartnoma imzolash yoki imzalamaslikka kelsak, rostini aytsam, o'ynamayotganimning sababi aynan shu ekanligini bilmayman. Ko'p marta eshitganman: "Sen shartnoma imzolamayapsan, shuning uchun o'ynamaysan", lekin buning sababi shu deb o'ylamayman. Men o'zimni to'liq ishga bag'ishlayman, har kuni 100% kuchimni beraman va bu shunchaki murabbiyning qarori deb hisoblayman".

❓Mavsumoldi tayyorgarlikda juda ko'p o'ynadingiz, endi esa, mavsum boshlanganidan keyin ancha kamroq, ammo shunga qaramay, shuningdek, Jahon chempionatidan keyin ham, mamlakatingizda sizning atrofingizda haqiqiy shov-shuv bo'lmoqda. Bunga qanday dosh beryapsiz? Mamlakatingizda hozir sizga bo'lgan ulkan qiziqishni ko'rib, qo'shimcha bosim his qilyapsizmi?

🗣 Hamza Abdelkarim: "Men buni bosim deb hisoblamayman. Men buni ko'proq o'zimga bo'lgan qo'shimcha ishonch sifatida qabul qilaman. Bu seni qo'llab-quvvatlaydigan va ortingda turgan insonlar, shuning uchun men uchun bu, aslida, teskari ishlaydi. Bundan faxrlanishing, qattiq ishlashda davom etishing va bu insonlar ham sendan faxrlanishi uchun harakat qilishing kerak".