Hansi Flik "Elche"ga qarshi o'yin oldidan matbuot anjumanida qatnashdi

💭 Hansi Flikning "Elche"ga qarshi o'yin oldidan matbuot anjumani:

— Rodri haqida: "Rodri dushanba kuni jamoa bilan mashg'ulotlarni boshlaydi va ertaga maydonga tushmaydi. Bugun u individual tarzda va trenajyor zalida ishladi. Biz uning transferidan juda mamnunmiz".

— Jamoaning tayyorgarligi haqida: "Jahon chempionatida ishtirok etgan futbolchilarning 90 daqiqa o'ynashga tayyor emasligi tabiiy hol. Bizning maqsadimiz — birinchi o'yinda g'alaba qozonish. "Elche" qanday o'ynashni juda yaxshi biladi".

— Yangi hujumchi haqida: "Men "to'qqizlik" pozitsiyasi uchun xavotirda emasman va jamoamda bo'lmagan futbolchilar haqida gapirmayman. Deku bilan tarkibni kuchaytirish masalasini muhokama qilyapmiz, ammo rejalarimizdan faqat bir necha kishi xabardor".

— "Elche"ga qarshi hujumda kim o'ynaydi? "Men "to'qqizlik" pozitsiyasida kim o'ynashini hal qildim, lekin buni aytmayman".

— Hamza Abdelkarim haqida: "Hamza mavsumoldi tayyorgarligini a'lo darajada o'tkazdi. U yaxshi hujumchi va gollar urmoqda, bu esa uning pozitsiyasi uchun juda muhim".

— Balde haqida: "Unda ko'plab ijobiy sifatlar bor. Men uchun futbolchilar o'z o'rni uchun kurasha olishlariga ishonishlari muhim. Har kuni ular o'z o'rnini munosib ko'rsatish uchun qancha mehnat qilayotganlarini ko'ryapman".

— Balde, Kasado va Kunde ketishi mumkinligi haqida: "Biz ko'plab o'zgarishlar qilyapmiz, shuning uchun transfer oynasi yopilishini kutish kerak. Tarkibni kuchaytirishni xohlash — tabiiy hol. Men futbolchilar bilan ochiq gaplashdim".

— "Real Madrid" haqida: "Biz ertaga "Madrid"ga qarshi o'ynaymizmi? Yo'q. Unda mendan "Elche" haqida so'rang".