Hansi Flik matbuot anjumanida Rodri, Gordon va Chempionlar ligasi qur'asi haqida gapirdi

❓Rodri debyut qildi. Muxlislar uning maydonga tushganidan va uni o'yinda ko'rish imkoniyatidan juda hayajonda. Uning atrofidagi bunchalik katta his-tuyg'ular va ishtiyoq sizni ajablantiradimi?

🗣 Xansi Flik: «Yo'q, hamma uning biz uchun o'ynayotganidan, u «Barselona» futbolchisi ekanligidan xursand. U biz uchun ideal futbolchi, u bizning falsafamizga va biz o'ynamoqchi bo'lgan uslubga mukammal mos keladi. U ajoyib. Biroq, shuni aytishim kerakki, Bernal ham maydonda bo'lgan daqiqalar davomida juda yaxshi o'yin o'tkazdi. Men bularning barchasidan juda mamnunman».

❓Gordon La Ligada ilk bor asosiy tarkibda maydonga tushdi. U yaxshi o'yin o'tkazdi, hatto olqishlarga ham sazovor bo'ldi. Uning o'yinini qanday baholaysiz va jamoaga moslashishini qanday ko'ryapsiz? Tashqaridan qaraganda, hammasi juda yaxshi ketayotgandek. Ichkaridan bu qanday ko'rinayotganini aytib bera olasizmi?

🗣 Xansi Flik: «Ha, men ham xuddi shuni ko'ryapman — uning tezligi va intensivligi biz uchun juda muhim. Biz undan aynan shuni kutyapmiz. Albatta, u bizga endigina, taxminan ikki yarim hafta oldin qo'shildi, shuning uchun unda yanada yuqori darajaga chiqish uchun salohiyat bor. Va biz undan aynan shunday darajani kutyapmiz».

❓Chempionlar ligasi qur'asi bo'lib o'tdi. «Manchester Siti», «PSJ» va «Aston Villa» kabi raqiblaringizni qanday baholaysiz? Bu qur'ani qanday qabul qildingiz?

🗣 Xansi Flik: «Bu uchta jamoani yuz foiz bilaman, qolganlarini esa yo'q. Rostini aytsam, men bugungi o'yinga e'tibor qaratgan edim va hatto qur'ani kuzatmadim ham, chunki bunday vaziyatlarni yoqtirmayman. Inson doimo nimagadir umid qiladi, umid qiladi, umid qiladi, keyin esa hammasi boshqacha bo'lib chiqadi. Men buni yoqtirmayman. Murabbiylar shtabi bilan bu haqda biroz gaplashdik, lekin rostini aytsam, Chempionlar ligasining bu yangi formati shunchaki fantastik. Menga u yoqadi. Biz uchun, ayniqsa men uchun, hozir eng muhimi — kim bilan boshlashimiz va birinchi o'yinni qayerda o'tkazishimiz. Bu keyingi qadam bo'ladi».

🔚 Matbuot anjumanining yakuni.