Hansi Flik «Rayo Valyekano»ga qarshi o'yin oldidan fikrlarini bildirdi

🎙 Hansi Flikning «Rayo Valyekano»ga qarshi o'yin oldidan matbuot anjumani:

Tarkib va transferlar haqida: «Jamoamdan mamnunman. Yangi transferlar masalasida bosim ostida emasmiz. Deku ajoyib ishni amalga oshirdi».

Dominik Livakovich haqida: «Voytsex Shensni bilan ko'nglim to'q. Livakovich vaziyatimizdan xabardor. Uning ehtimoliy transferi klubning kelajakdagi rejalari bilan ham bog'liq».

Jessi Bisivu haqida: «U biz bilan shug'ullanmoqda va «Barselona Atletik» safida o'ynaydi. U yaxshi ishlamoqda va o'sishda davom etadi».

Frenki de Yong haqida: «Uning holati yaxshilanmoqda, sport formasini tiklash ustida qattiq ishlamoqda. Oldinda o'yinlar ko'p. Frenki — jamoaga katta sifat olib kiradigan fantastik futbolchi».

Jamoaviy ruh haqida: «Mavsum davomida ko'p narsa sodir bo'lishi mumkin. Biz yaxshi shug'ullanmoqdamiz va barcha tayyor. Asosiysi — alohida futbolchilar emas, balki jamoa va ichki munosabatlar».

Hamza Abdelkarim haqida: «Hamza mavsumoldi tayyorgarligi va mashg'ulotlardagi mehnati evaziga o'yin vaqtiga loyiq. U darvoza oldida yaxshi harakat qiladi va to'g'ri mentalitetga ega. U imkoniyatlarga ega bo'ladi».

Rafinya hujumchi pozitsiyasida: «Hujumchi pressingni birinchi bo'lib boshlashi kerak, Rafinya esa buni a'lo darajada bajaradi. U yetakchilarimizdan biri: Rafinya intensivlikni oshirsa, qolganlar ham unga ergashadi».

Lamin Yamal haqida: «Jahon chempionati va uch haftalik ta'tildan so'ng unga vaqt kerak edi. «Elche»ga qarshi o'yin u uchun eng yaxshisi bo'lmadi, ammo u jamoa uchun ko'p mehnat qildi. «Atletik»ka qarshi biz yana Laminni yuqori saviyada ko'rdik. Mashg'ulotlarda ham u ajoyib. Biz uni qo'llab-quvvatlashimiz kerak».