Il Mattino: Jovanni Manna oldida hali ko'p ish bor

Il Mattino xabariga ko'ra, "Napoli" sport direktori Jovanni Manna transfer oynasi yopilgunga qadar ko'plab futbolchilarni sotishi kerak.

...klubga kerak emas deb hisoblanayotgan va ketishga tayyor turgan kamida olti nafar futbolchi bor. Bular Siril Ngonge, Yesper Lindstryom, Valid Cheddira, Yens Kayuste, Nosa Obaretin va katta ehtimol bilan Maykl Folorunsho. Ularning barchasi uchun yozgi transfer oynasi yakunlangunga qadar yangi klub topish ustuvor vazifa hisoblanadi. Ammo bu hali hammasi emas. Bir necha haftadan buyon kelajagi nima bo'lishini bilmayotgan futbolchilarning taqdiri ham noaniqligicha qolmoqda. Lorentso Lukka, Noa Lang, Andre-Frank Zambo-Angissa (qolish arafasida) va Vanya Milinkovich-Savich noaniqlik ichida yashashda davom etmoqda. Qisqasi, savollar hali ham ko'p.