Jeymi Donli «Tottenxem»dagi vaziyat haqida gapirdi

Jeymi Donli mavsumoldi turnesidan so'ng «Tottenxem»ning asosiy jamoasidan chetlatilganini ma'lum qildi.

Angliyalik futbolchining so'zlariga ko'ra, u mavsumoldi tayyorgarligi vaqtida Roberto De Dzerbi bilan muloqot qilgan, ijobiy baho olgan hamda Avstraliyadagi o'yinlarda muntazam maydonga tushgan.

Ammo futbolchilar jahon chempionatidan qaytganidan so'ng vaziyat o'zgardi:

«Meni biroz chetga surib qo'yishdi. Transfer oynasi yopilishiga yaqin men nima bilan shug'ullanishimni aniq tushunib yetgandim».

Donli tarkibga kirish katta raqobat va qimmat transferlar tufayli qiyin ekanligini ham ta'kidladi:

«Ular senga asosiy jamoaga kirish uchun unchalik imkon berishmaydi. Asosiysi — o'yin amaliyotiga ega bo'lish. Men hali yoshman, shuning uchun o'zimni yaxshi ko'rsatishim, kelasi yili esa qaytib, o'sishimni namoyish etishim kerak».