«Feyenoord» bosh murabbiyi Jovanni van Bronkxorst «Telstar»ga qarshi o'yindagi g'alabaga qaramay, jamoa o'yinini tanqid ostiga oldi. Murabbiy himoyadagi harakatlardan norozi bo'lib, rotterdamliklar raqibga juda oson gol urish imkonini berganini tan oldi.
«Telstar»ga qarshi o'yin haqida:
«Agar birinchi daqiqadayoq ajoyib gol urilgan, keyin esa hisob 0:2, 1:2, 1:3, 2:3 ko'rinishini olgan o'yinga nazar tashlasangiz... Ekran qarshisidagi muxlislarga bu o'yin qiziqarli tuyulganini tushuna olaman. Ammo mening nazarimda, bu jamoaning joriy mavsumdagi eng yomon o'yini bo'ldi», — dedi van Bronkxorst ESPN nashriga bergan intervyusida.
Himoyadagi o'yin haqida:
«Agar to'rtta gol ursangiz, bu g'alaba uchun yetarli bo'lishi kerak. Bugun shunday bo'ldi, lekin o'ylashimcha, himoyada juda ko'p xatolarga yo'l qo'ydik. Raqib juda oson gol urdi. Bunday o'yinlar ham bo'lib turadi va g'alabani ilib ketish kerak. Bunga erishganimizdan xursandman».
Uchrashuv natijasi haqida:
«Jamoa o'z darajasida o'ynamayotganini his qilasiz. Ammo biz baribir g'alaba qozonmoqdamiz va bugun eng muhimi shu. Har doim ishonchli g'alaba qozonishni istaysiz, biroq mavsum davomida bunday o'yinlar ham uchrab turadi. Ularni g'alaba bilan yakunlash lozim».
Tarkib rotatsiyasi haqida:
Murabbiyning so'zlariga ko'ra, uchrashuvning borishi o'zgarishlarni ertaroq amalga oshirish va ayrim futbolchilarga dam berishga imkon bermadi. Jamoa g'alabali natijani saqlab qolish uchun so'nggi hushtak chalinguniga qadar bor kuchini sarflashga majbur bo'ldi.
Oldinda «Feyenoord»ni UEFA Chempionlar ligasi doirasida «Real Betis»ga qarshi bahs kutib turibdi. Bunday o'yindan so'ng rotterdamliklar, eng avvalo, himoyada kuchayishlari kerak.
🦁 — JAMOAGA ISHONAMIZ!
Izohlar (0)
Izoh qoldirish uchun tizimga kiring.
Hozircha izoh yo'q. Birinchi bo'lib fikr bildiring!