Kilian Mbappe «Inter»ga qarshi o'yin oldidan matbuot anjumanida ishtirok etdi

Kilian Mbappe «Inter»ga qarshi o'yin oldidan matbuot anjumanida:

Chempionlar ligasining starti haqida:

Biz ushbu turnirga qaytganimizdan xursandmiz. Bizni qiyin o'yin kutib turibdi, ammo bu Chempionlar ligasi — bu yerda doimo bosim yuqori bo'ladi. Barchamizning bitta maqsadimiz bor — sovrinlarni qo'lga kiritish. Biz yaxshilanib boryapmiz va oldinga qarab harakatlanmoqdamiz.

Nimalar ustida ishlash kerakligi haqida:

Men alohida o'yinchilarni ajratib ko'rsatishni yoqtirmayman. OAVga bunday mavzular yoqadi, ammo men jamoa haqida va g'alabalar uchun nima qilish kerakligi haqida gapirishni afzal ko'raman.

Ikki mavsum sovrinsiz qolgani haqida:

Men faqat kelajak haqida o'ylayapman. Biz g'alaba qozonishimiz va sovrinlarni yutishimiz kerak. Oldinda uzoq yo'l bor, men esa jamoaga yordam berishga diqqatimni qaratganman.

«Oltin to'p» haqida:

Dunyodagi eng katta klub — «Real Madrid»da o'ynaganingizda, ismingiz muqarrar ravishda bunday mukofotlar bilan bog'lanadi. «Oltin to'p»ni yutish — katta yutuq. Yozda men asosiy futbol turnirida tarixga kirdim, ammo oldinda hali uzoq yo'l bor.

Vinisius bilan birga himoyadagi ish haqida:

Faqat men va Vinisiusmi? Albatta, biz yaxshilanishimiz kerak — bu tabiiy hol. Men shuni ayta olamanki, men PSJning ba'zi o'yinchilaridan ko'proq gol urganman va ular ham o'z ustida ishlashi kerak edi. Ammo men ham takomillashishim kerak bo'lgan jihatlar bor. Bunday bahslar hech qachon tugamaydi.

Kiyinish xonasidagi muhit haqida:

Kiyinish xonasida doimo ajoyib muhit bo'lgan. O'yinchilar o'rtasida hammasi yaxshi. Biz boshqa jihatlarda, masalan, vaziyatlardan foydalanishda kuchayishimiz kerak.

Mourinyuning gollar va sovrinlar haqidagi gaplari haqida:

Agar sovrinlarni yutsak, hatto 30 ta golga ham roziman. Ammo gollar va sovrinlar o'rtasida nega tanlov qilish kerak? Albatta, men chempion bo'lishni istayman. Maqsad — gollar va sovrinlarni birlashtirish.

Ispaniyadan uchralgan mag'lubiyat haqida:

Uni faoliyatimdagi eng og'iri deb ayta olmayman — men jahon chempionati va Chempionlar ligasi finallarida yutqazganman. Ammo bu og'ir edi. Doimo g'alaba qozonishning iloji yo'q, ammo biz sovrinlarga bo'lgan chanqoqlikni saqlab qolishimiz kerak. U yo'qolganda, biz yutqazdik deb ayta olamiz.

«Real Madrid»dagi yetakchilik haqida:

Fransiya terma jamoasida men sardorman, «Real Madrid»da esa yo'q. Ammo men o'z rivojlanishim va o'yinni yaxshiroq tushunishim uchun qadam tashlashim kerakligini tushunaman. Menda ko'plab murabbiylar bo'lgan va har biri menga nimadir o'rgatgan.